Përpara takimit vjetor të aksionarëve të Tesla në Qershor, aksionari Jing Zhao ka paraqitur një propozim për të zëvendësuar kryetarin e bordit, Elon Musk, me një drejtor të pavarur. Musk, shefi ekzekutiv në Tesla, ka qenë kryetar i bordit që nga viti 2004.
“Megjithëse struktura aktuale e udhëheqjes, në të cilën pozicionet e Kryetarit dhe Drejtorit Ekzekutiv mbahen nga një person, mund të ofrojnë një udhëheqje efektive për Teslën në fazën e hershme, tani në këtë industri teknologjike shumë më konkuruese dhe në ndryshim të shpejtë, ështe më e vështirë për të mbikëqyrur biznesin dhe menaxhimin e lartë të saj (sidomos për të minimizuar çdo konflikt të mundshëm) që mund të rezultojë nga kombinimi i pozicioneve të CEO dhe Kryetarit,” shkroi Zhao në propozimin e tij.
Zhao, i cili mban disa aksione në kompani, gjithashtu vuri në dukje pozicionet e Musk në SolarCity dhe SpaceX dhe se si përfshirja e tij mund të çonte në konflikte gjatë rrugës.
Por bordi tashmë ka shprehur kundërshtimin e tij, duke rekomanduar një votim kundër këtij propozimi. Në deklaratën e tij, bordi thotë se suksesi i Tesla nuk do të kishte qenë i mundur pa Musk në krye të bordit dhe vetë kompanisë.
Lexoni: Ja çfarë ndodh kur kalon një ditë si Elon Musk
Bordi beson se suksesi i kompanisë deri më sot nuk do të ishte e mundur nëse do të drejtohej nga një drejtor tjetër që nuk do të kishte ekspozimin e përditshëm të Elon Musk në biznesin e kompanisë. Duke theksuar që Elon Musk e ka bërë si duhet detyrën e tij.
Bordi shpreh se kompania është ende në një pikë të zhvillimit të saj, ku duhet të punohet fort për të realizuar qëllimet afatgjata dhe ndarja e roleve të CEO dhe Kryetarit të bordit në këtë kohë nuk do t’i shërbejë interesave në të mirë të Shoqërisë apo të aksionarëve të saj.
burimi: TechCrunch
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
