Çfarë ndodh kur përpiqesh të zhvillosh ditën tënde si Elon Musk, por nuk je as CEO apo një miliarder? Unë vendosa ta zbuloj duke ndryshuar orarin tim të Martën, më 17 Prill. Jam diplomuar dy herë për teatër në kolegj, kështu që po planifikoja ta ndërmerrja këtë sfidë përmes një metode që mund të funksiononte – por duke qenë se Musk ka fjetur në dyshemenë e fabrikës së Tesla dhe ka lënë pas dore dushet, unë vendosa ta kurseja këtë gjë.
Musk thuhet se fle rreth gjashtë orë, zgjohet rreth orës 7 dhe zakonisht nuk ha mëngjes. Ne ndajmë të njëjtën kohë zgjimi, por për shkak të pamundësisë sime për të lënë pa parë shfaqjen televizive satirike UnREAL një natë më parë, marr një gjysmë ore shtesë. Lënia e mëngjesit nuk ishte aq e vështirë, por nuk mund të mos mendoja për makaronat që do të haja për drekë. Dhe ashtu si Musk, nuk marr asnjë telefonatë gjatë gjithë ditës për të maksimizuar produktivitetin.
Ndoshta dallimi më i madh i rutinës së Musk? Sistemi i tij që raporton çdo 5 minuta. Në punë, fillova me segmentimin e ditës sime, por duhet t’i planifikojë gjërat ndryshe disa herë, pasi përgjegjësi të reja vinin çdo ditë. Blloqet prej pesë minutësh më kishin bërë mjaft produktiv për detyra të vogla që kanë tendencë të zgjasin më shumë se sa duhet (kontrollimi i email-it, brainstorming i ideve për artikujt, botimi i një historie online). Por dukeshin të pakuptimta kur më duhej të bllokoja shumë pesë minutsha për detyra më të mëdha (shkrimi, planifikimi për një telefonatë të ardhshme). Dhe kur ekzistonte rreziku se diçka po kalonte dhe po ndikonte në pjesën tjetër të orarit tim, niveli im i stresit rritej.
- 8:50: Shkoj në punë, hap laptopin
- 8:55: Brainstorm idetë e artikujve
- 9:15: Mbledhje
- 9:40: Kontrolloj email-in
- 9:50: Zgjedh artikullin e parë
- 10:00: Diskutojmë atikullin me Stephen
- 10:30: Bëjmë diskutim me Andrean për të bërë përzgjedhjen finale
- 10:35: Marr ujë për të pirë
- 10:45: Finalozoj artikullin së bashku me Stephen
- 10:50: Lexoj artikuj në NYT
- 11:00: Kontrolloj email-in
- 11:10: I çoj email autorëve më të mirë për të zhvilluar intervistë
Truku pesë minutësh i Musk më mësoi diçka të re në lidhje me produktivitetin: Më bëri të kuptoj se sa shpesh ndaloja çdo gjë që bëja për të lexuar ose për t’iu përgjigjur një email të ri. Blloqet prej pesë minutash më mbajnë në rrugë të mbarë dhe bëj më shpejt më shumë punë, sepse mesazhet e reja nuk po ndërpresin rrjedhën e punës.
Sa i përket orarit të Musk duket se diçka mungon. Balanca jetë-punë. Ai e ha drekën e tij në jo më shumë se pesë minuta. Për shkak të sasisë së madhe të makaronave të lartpërmendura, mua dreka më merr 10 minuta. Për të mbajtur sa më shumë që të jetë e mundur orarin e tij, shpenzoj pesë minuta për t’u shoqëruar me kolegët e mi gjithashtu.
Eshtë e panevojshme të them, nuk isha një fans i madh i pushimit të Musk. T’i japësh mendjes pak pushim mund të jetë jetike për shëndetin mendor dhe për fokusin. Në fakt, një hulumtim i pulikuar në vitin 2017 thotë se planifikimi i qëllimshëm i pushimeve për të lejuar që mendja juaj të qetësohet mund të sjellë përfitime në zgjidhjen e problemeve. Plus, kush nuk e do drekën?
Duke folur për balancën punë-jetë: Musk thuhet se punon rreth 85 – 100 orë në javë, por derisa të kaloj vlerën 19.5 miliardë dollarë, do ta kaloj këtë normë.
Hayden Field / Entrepreneur
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
