Akademi për rilindjen e 100 fshatrave - Business Magazine Albania

Akademi për rilindjen e 100 fshatrave


Për rilindjen e fshatrave do të këtë një akademi. Agjencia Kombëtare e Planifikimit të Territorit (AKPT) ka planifikuar që të bëjë pjesë të programit “100 fshatrat” studentë të urbanistikës, mjedisit e arkitekturës.

Formulari i aplikimit paraqitet në faqen e AKTP dhe parashikon regjistrimet në “Akademinë 100+ fshatrat” për gjysmën e dytë të këtij viti.

Sipas projektit, studentët do të vizitojnë për të paktën katër javë fshatrat, për të sjellë më pas sugjerimet e tyre për zhvillimin.

Në prezantimin e agjencisë thuhet, se “Akademia 100+ fshatrat” zhvillohet në kuadër të Programit të Rilindjes Rurale me fokus 100+ fshatrat, ku duam të ndërtojmë një model zhvillimi rural bazuar tek potenciali turistik. Akademia synon të mbledhë së bashku studentë masteri të arkitekturës, planifikimit, projektimit, peizazhit e mjedisit të sapodiplomuar të këtyre fushave, si dhe pedagogë të tyre, të cilët ndajnë vlerësime dhe pasione të ngjashme për fshatin dhe besojnë tek potenciali i tij për t’u zhvilluar si pikë graviteti e fuqishme.

Njoftimi vëren se, Akademia 100+ fshatrat po ndërtohet sipas shembullit të Akademisë Verore të Atelier Albania, por me shtrirje shumë më të gjerë. Akademia 100 + fshatrat do të bazohet në 20 atelierë projektimi të veçanta, por të lidhura me njëra-tjetrën dhe nën udhëheqjen e AKPT-së.

Sipas Agjencisë Kombëtare të Planifikimit të Territorit, fokusi në 100 fshatra bëhet për të krijuar 100 zona zhvillimi ekonomik rural bazuar tek investimet në agroturizëm dhe ekoturizëm duke shfrytëzuar trashëgiminë kulturore, pasuritë natyrore, traditën në tërësi dhe kapacitetet lokale dhe investimet e sipërmarrjes.

Afati për të aplikuar në këtë akademi, sipas AKPT-së, është data 15 Korrik 2018 ndërkohë që ofertat e pranimit do të dërgohen jo më vonë se 20 korriku. Të gjithë kandidatët e përzgjedhur do të kalojnë edhe një fazë intervistash.

Për të aplikuar klikoni Këtu

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0