Ahmetaj: Bashkitë kanë hapësirë për të ulur taksën e pronës
Përditësuar së fundmi: 27/03/2018

Ahmetaj: Bashkitë kanë hapësirë për të ulur taksën e pronës

Share
nga Albana Mucaj
Mar 27, 2018

Në një seancë informimi, për taksën e pronës dhe TVSH-në e biznesit të vogël, Ministri i Financave Arben Ahmetaj, ka folur paraditen e së martës në Komisionin e Ekonomisë.

Gjatë diskutimeve të projektligjit ka pasur ndryshme dhe ndër to është vendimi për të përjashtuar banesat sociale, pensionistët që jetojnë vetëm dhe strukturat akomoduese me status special. Tek kjo e fundit futen Hotelet me 4 dhe 5 yje të marjave ndërkombëtare.

Sipas tij, metodologjia për të llogaritur vlerën e taksës është bazuar në të dhënat e shoqatave të bashkisë. Ai tha se, “ Do të bazohet mbi  vlerën e tregut të banesave, dhe do t’u jepet  mundësia  bashkive që të ulin çmimin deri në 30% për zonat periferikë.  Për Tiranën shkon deri në 35% ulja që mund të bëjë bashkia për të ndihmuar grupet në nevojë. Për ndërtesat në proces ndërtim është vendosur një koeficient 30%”.

Këto ditë miratohet ndërkohë, ngritja e Drejtorisë së Përkohshme të Administrimit të Taksës së Pasurisë.

Nënkryetarja e Komisionit të Ekonomisë dhe Financave Jorida Tabaku, ka ritheksuar qëndrimin e saj kundër duke thënë se të ardhurat nga taksa e pronës pritet të jenë dz herë më të larta. Tabaku vlerëson se administrate nuk është ende gati për të mbledhur këtë taksë.

Ministri Ahmetaj ka folur edhe për TVSH-në tek biznesi i vogël. Sipas tij aplikimi I TVSH-së (20% e vlerës së produktit që do të shitet), nuk do të sjellë rritje çmimi në treg.

 

Subscribe në kanalin tonë në YouTube