“Disa” agjenci federale të qeverisë në SHBA, janë goditur nga një sulm kibernetik global, i cili shfrytëzon një dobësi në një softuer që përdoret gjerësisht.
Agjencia e SHBA-së për Sigurinë Kibernetike dhe Sigurinë e Infrastrukturës “po ofron mbështetje për disa agjenci federale, të cilat kanë pësuar cënime që kanë ndikuar në aplikacionet e tyre MOVE-it”,- tha Eric Goldstein, ndihmës drejtor ekzekutiv i agjencisë për sigurinë kibernetike, në një deklaratë të enjten për CNN.
“Ne po punojmë shumë për të kuptuar ndikimet, si dhe për të siguruar riparimin në kohë të shpejtë.”
Nuk ishte e qartë nëse hakerat përgjegjës për ndërhyrjet në agjencitë federale, ishin një grup ransomware që fliste rusisht dhe që u ka kërkuar para shumë viktimave.
Një zëdhënës i CISA nuk kishte komente kur CNN e pyeti se kush e kreu hakimin e agjencive federale dhe sa prej tyre janë prekur.
Agjencitë ishin shumë të shpejta për të mohuar se ishin prekur nga hakerimi. Administrata e Sigurisë së Transportit dhe Departamenti i Shtetit thanë se nuk ishin viktima të hakimit. CNN
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
