Jo më shumë se tre muaj më parë Netflix u lançua në mbi 130 vende njëherësh.
Por ky ekspansion ndërkombëtar nuk është aq i thjeshtë sa një shtypje e butonit të telekomandës. Të Hënën, kompania zhgënjeu investitorët me raportin e saj të fitimeve për tremujorin e parë të 2016-s dhe uljes së aksioneve me rreth 8 % pas disa orëve. Përse? Nuk ishin vetëm fitimet (0.06 $ pёr aksion) dhe abonuesit (81 milionё) të cilët mundën pritshmëritë.
Ajo gjë për të cilën janë të shqetësuar investitorët e Netflix janë parashikimet për rritjen e abonuesve për tremujorin e ardhshëm: 2.5 milionë në total, ku 0.5 milionë ndodhen brenda SHBA-së dhe 2 milionë jashtë saj. Kjo përfaqëson një ulje domethënëse për Netflix, veçanërisht jashtë, ku kompania shtoi 4.51 milionë abonuesë.
Netflix ka pasur rritje të qëndrueshme në shtimet e abonimeve të saj internacionale që prej lançimit për herë të parë jashtë tregut të brendshëm në 2010-n. Numri total i anëtarëve jo-amerikanë arriti 34.53 milionë tremujorin e fundit, vetëm 42 % të pjesëtarëve të Netflix.
Tremujori i dytë ka qenë i ngadaltë për shtimin e abonuesve të rinj siç tregohet edhe nё në grafikun e mësipërm. Vetëm 2 milionë rritje në abonime do të thoshte 15 % më pak se e njëjta periudhë e vitit të kaluar.
Në letrën ndaj aksionerëve, Netflix ‘ia vë fajin’ “krahasimit të vështirë me lançimin në Australi/ Zelandën e Re” nga viti i kaluar, ku treguesit gjatë tremujorit të dytë u rritën më shumë se dyfishi. Netflix gjithashtu thotë se “Tremujori i parë kapi hovin e parë të treguesve në rritje” pasi kompania u lançua në 130 vende me shumë entuziazëm.
Mbetet për t’u parë nëse kjo është vetëm një rënie momentale e supremacisë globale të Netflixit vetёm pёr marsin, apo se parashikimet janë të sakta. Duhet të presim për të marrë vesh!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
