A ia vlen të respektosh kontratën dhe punën që bën? - Business Magazine Albania

A ia vlen të respektosh kontratën dhe punën që bën?


”E pse të lodhem kaq shumë, nuk është kompanie ime”!
”Për tjetrin nuk ia vlen asnjëherë të japësh 100% nga vetja”!
”Në të njëjtin pozicion një mikja ime paguhet më shumë tek X kompani”.
”Kjo punë nuk më pëlqen fare, nuk e kam me pasion”.
”Bëj atë që duhet dalëngadalë dhe kaq, pse të punoj më tepër”….

Sot nuk po analizoj gjithë arsyet e kësaj sjelljeje apo të këtyre konkluzioneve që arrin një i punësuar. Në ditët dhe javët në vazhdim po mundohem të shkruaj për shkaqet dhe pasojat rreth kutij fenomeni.

Më poshtë po ju jap tre arsye se pse duhet respektuar kontrata e nënshkruar dhe pse duhet të jepni maksimumin për punën që keni marrë përsipër pavarësisht pagesës mujore.

Pavarësisht se ju punoni për dikë tjetër, njohuritë që merrni kanë një vlerë monetare të pamatshme. Çfarë do lloj njohurie apo eksperience që fitoni mbeten me ju kudo që shkoni, asnjë nuk mundet t’i vjedhë këto njohuri dhe eksperienca.

Arsyeja tjetër është po kaq e rëndësishme, ju po ngrini reputacinonin tuaj,  po hidhni themelet drejt të ardhmes suaj. E keni dëgjuar shprehjen ”më mirë syri sesa nami”, pikërisht për të lenë një emër të mirë pas vetes, për të krijuar hapësirën tuaj brenda ekonomisë së tregut ju duhet të bëni këtë punë me dinjitet. Me çfarë pasioni apo përgjegjësie bëni diçka, sado e vogël të jetë ajo, flet shumë për karakterin tuaj. Në ditët e sotme kam dëgjuar shpesh mes shqiptarëve, ”nuk ia vlen të jesh i ndershëm!”. Në fakt, ndershmëria, korrektësia, respekti janë virtyte që flasin shumë për karakterin tuaj.

Nëse ndërton një reputacion, ngrije veten mbi virtyte, sepse je ti që do ndihesh mirë. Qetësia e brendshme është thesari më i madh që mund të kemi. Sa të pasur ka sot që paguajnë thesare për të gjetur këtë qetësi të brendshme?! Ndoshta, duke i hedhur nga një pikë çdo ditë këtij thesari, mundet t’i bëni vetes dhuratën më të bukur.

Reputacioni sjell besimin dhe besimi sjell punë më të mira, të ardhura më të mira e kushtu me radhë.

Arsyeja e tretë, ndoshta edhe më kryesorja; ju po formoni karakterin tuaj dhe me karakterin dhe sjelljen tuaj ndikoni tek të tjerët rreth jush, sidomos tek fëmijët dhe brezat e së ardhmes.

Kur kam punësuar dikë qoftë në biznesin tim apo qoftë edhe pranë kompanisë ku kam punuar këto dhjetë vitet e fundit, u kam kushtuar gjithmonë shumë rëndësi disa cilësive të tjera, sjellja, qëndrimi, këndvështrimi i këtij kandidati/eje për një situatë të caktuar, më shumë sesa numri i diplomave apo titujve, absolutisht pa i hedhur poshtë njohuritë nga studimet e ndryshme, pasi edhe këto janë një aset i domosdoshëm.

Përse është e rëndësishme kjo pjesë? Sa më shumë të keni nga këto cilësi aq më të kërkuar do të jeni, më lehtë do të gjeni vend pune tjetër, më shumë nevojë do ketë kompania për ju. Pra, mund të jeni të pazëvendësueshëm. A do të donit këtë arritje për fëmijën tuaj? A do të donit që për fëmijën tuaj të dëgjonit fjalë të mira, komplimente apo kritika?

Sot në ekonominë e tregut, investitorët kërkojnë pikërisht këto cilësi. Investitorit nuk i duhet dikush me diploma por dinak, dikush nga familje ”fantastike” por pa etika, dikush me CV të pasur, por jo të zellshëm në punën e tyre.

Patjetër është e drejta e secilit të zgjedhë vendin e punës duke llogaritur arsye të ndryshme mes tyre edhe pagën. Por, kjo nuk do të thotë aspak që kur e pranoni ofertën, të mos kryeni punën për të cilën paguheni.

“Mundohu të tregosh vlerat më shumë sesa sukses”.

Einstein

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0