A duhet të pushohet nga puna punonjësi i cili përfundon punën më shpejt dhe i mbetet kohë e lirë? - Business Magazine Albania

A duhet të pushohet nga puna punonjësi i cili përfundon punën më shpejt dhe i mbetet kohë e lirë?


Në punë po paguheni për punën tuaj, apo për kohën tuaj? Në të kaluarën, kur puna kishte më shumë të ngjarë të ishte manuale dhe përsëritëse, shefat e shihnin me vlerë të mbanin punonjësit e tyre me orë të zgjatura në mënyrë që të maksimizonin rezultatet e tyre. Në ditët e sotme, megjithatë, me punët krijuese, të bazuara në projekte më të spikatura, efikasiteti juaj në përmbushjen e detyrave ka më shumë të ngjarë të shpërblehet me kohë më të lirë.

Pikërisht në lidhje me këtë në Quora u shtrua çështja: “Unë kam një punonjës që bën gjithmonë gjithçka më shpejt se të gjithë të tjerët në ekip dhe kalon pjesën më të madhe të ditës duke luajtur video-lojëra dhe duke mos ndihmuar kolegët e tij. A duhet ta pushoj atë?”

Ky shef shkroi në Quora për të vlerësuar mendimet e njerëzve për një punonjës të mirë, i cili i mbaron detyrat shumë shpjet saqë i mbetet kohë për video-lojëra në fund të çdo dite. Ky person është me modën e vjetër dhe duket se kjo nuk i pëlqen fare.

Fatmirësisht ka individë më të shkolluar atje dhe një përgjigje në veçanti i ka bërë njerëzit ta duartrokasin.

Pra, ti po mendon të pushosh një nga punonjësit dhe të vetmin që është efiçient dhe i ndershëm?

Punonjësit e tjerë ndoshta nuk kanë nevojë për asnjë ndihmë. Ajo çfarë ka shumë të ngjarë është se ata janë më me eksperiencë se punonjësi jot më i shpejtë dhe kanë zbuluar se nëse shefi i tyre e kupton që ata mund ta bëjnë punën në një kohë më të shkurtër çon në ndëshkim duke u dhënë punë ekstra. Kështu që ata pretendojnë se realizimi i punës së tyre kërkon gjithë ditën.

Punonjësi juaj më i shpejtë i bën të gjitha detyrat mirë dhe shpejt dhe merr pak kohë të lirë, sepse ai punon mirë dhe shpejt. Çfarë ka të keqe tek kjo? Koha e tij e lirë është shpërblimi i tij rreth të qenit efiçient. Nëse dështiron që t’ia marrësh këtë shpërblim natyror të tij, ti duhesh t’ia zëvendësosh me një shpërblim financiar.

Nëse e ndëshkon duke e pushuar nga puna ose duke i dhënë detyra shtesë pa i rritur rrogën, ti thjesht po i mëson atij të jetë si të gjithë punonjësit e tjerë dhe të bëjë sikur puna e tij merr gjithë ditën për ta realizuar.

Komente të tjera:

Oh, kjo është gjëja më e gabuar me të punuarit në kohën moderne.

Ahh po, shpërblimi që merr duke mbaruar punën më shpejt është më shumë punë.

Kurrë në jetën time nuk do të jem më i miri në asnjë punë. M’u deshën 15 vjet punë për ta kuptuar këtë.

Kurrë mos prisni 100% përpjekje nga punonjësit tuaj; kjo vret moralin dhe demoralizon njerëzit.

Po ju lexues të BusinessMag çfarë komenti keni për këtë çështje? Na shkruani në rrjetet tona sociale ose në adresën tonë të email-it për komentet tuaja.

/BoredPanda

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0