Falë një eksperimenti të kryer në stacionin hapësinor ndërkombëtar (ISS), është siguruar gjendja e pestë e materies. Bëhet fjalë për një gjendje të ndryshme nga ajo e lëngshme, e ngurtë, e gazuar apo plazëm; e mundshme vetëm në temperatura afër zeros absolute dhe në të, atomet shumë të ftohtë lëvizin në unison, duke u sjellë si valë e jo si grimca. Rezultati, i botuar në revistën Nature, është bërë i mundur për shkak të hulumtimeve të koordinuara nga Robert Thompson nga California Institute of Technology (Caltech).
E hipotezuar në 1925, nga Albert Einstein, i cili ishte bazuar në kërkimet e fizikantit indian, Bose, gjendja e pestë e materies quhet kondensimi i Bose-Einstein. Prodhuar për të parën herë në laborator në 1995, nga Eric Cornell, Carl Wieman dhe Wolfgang Ketterle, që në 2001 pikërisht për këtë fituan nobelin e fizikës, gjendja e pestë e lëndës mund të ruhet në tokë vetëm për pak fraksione sekondi. Kërkuesit kanë dëshmuar se në kushtet e mikrogravitetit, kondensimi Bose-Einstein mbijeton për rreth një sekondë dhe kjo përkthehet në një kohë më të gjatë vëzhgimi.
“Ky zbulim tregon se në të ardhmen laboratori hapësinor mund të përdoret për të gjeneruar atome ultra të ftohta për përdorim në sensorë atomikë me precizion të lartë”, shtoi fizikani, i cili në fillim të viteve 1990 i kishte propozuar Agjencisë Italiane të Hapësirës (ASI) një eksperiment me atomet ultra të ftohtë që do të dërgoheshin në hapësirë dhe që në ’99 filloi kondensimin e parë të Bose-Einstein në Itali.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
