Valbona Dhjaku, model suksesi në IT

Valbona Dhjaku, model suksesi në IT


Një nga folëset e eventit International Women Day ishte drejtoresha e IT-së në Credins Bank, Valbona Dhjaku.

Lexo: International Women Day u zhvillua për herë të parë në Shqipëri

Ajo ka studiuar informatikë në vitin 1996. Ka 20 vite eksperiencë në këtë fushë. Gjatë fjalës së saj ajo ishte entuziaste teksa fliste për rolin e femrës në ICT.

Si është të punosh në ICT?

Valbona shprehet se është bukur, gjithmonë ka diçka të re për të bërë dhe ka shumë pak ditë që mund të jenë monotone. Të punuarit në IT ka vështirësitë e veta, është sfiduese, ka pengesa dhe ndonjëherë të duket sikur nuk do t’ia dalësh.

Pse duhet që femrat sot të punojnë në IT?

Përveçse është një profesion sfidues dhe me bukuritë e saj, të lihet hapësirë edhe për të krijuar në atë fushë. Paguhet më shumë se profesionet e tjera. Gjithashtu diferenca gjinore në paga është më e vogël sesa në sektorët e tjerë. Valbona duke dhënë disa statistika na tregon, se nëse në Amerikë për profesionet e tjera diferenca është 350 dollarë, në IT është 250 dollarë. Gjithashtu ti mund të ndryshosh jetën e njerëzve, duke sjellë risi në teknologji.

Roli i femrave në shoqëri është shuëm i rëndësishëm. Por, sa i rëndësishëm është roli i tyre në IT dhe a ka nevojë shoqëria për femra që realisht punojnë në IT? Gratë sot janë 50% e popullsisë së botës. “Më shumë ka të bëjë me çështje biznesi sesa feminizmi”, shprehet Valbona. Diversiteti sjell zhvillim dhe i pari është diversiteti gjinor. Femrat përballen me probleme të ndryshme dhe janë të gatshme t’i zgjidhin ato. Një femër bëhet një lidere e shkëlqyer.

Çfarë mund të bëjë shoqëria?

Valbona gjtaë fjalës së saj në International Women Day ndan disa këshilla me ne:

  • Edukimi duhet të filloj që nga familja.
  • Duhet të largohemi nga stereotipet.
  • Duhet të zhvillohen kompetencat, pavarësisht gjinisë.
  • Sot ka mundësi të ndryshme dhe nuk duhet që të krijojmë raporte të sforcuara.
  • Individi është çelësi, secili ka në dorë zhvillimin e tij.

Lexo: Zbulohen disa nga folësit në eventin e International Women’s day (IWD)!

International Women Day u soll për herë të parë në Shqipëri në 7 mars. Ky event, vjen si pjesë e një serie eventesh globale që zhvillon Google. Këtë vit, Women in Tech në bashkëpunim me Women Techmakers Albania dhe Google Developer Group Tirana. Eventit nuk i munguan edhe partnerët shqiptarë nga bota e medias, teknologjisë dhe arsimit të cilët bënë të mundur që gra dhe vajza nga bota e teknologjisë dhe shkencës të mblidhen bashkë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0