Intesa Sanpaolo Bank Albania në një njoftim përshtyp informon rreth ndryshimeve që do ndodhin në 35 degët, me qëllim mbrojtjen e stafit dhe klientëve nga virusi Covid-19. Gjithashtu njoftojnë se degët do të jenë të hapura për publikun nga e hëna në të premte, nga ora 08:30-15:30, por do të operojnë me staf të reduktuar, për shkak të masave të marra.
Lexo: Kujdes këmbësorë! Masa të reja shtrënguese janë marrë në këtë kohë pandemie
E vetmja degë e mbyllur, është ajo që ndodhet në qendrën tregtare TEG, për shkak se qendra tregtare TEG është e mbyllur për publikun.
Në të njëjtën kohë, Intesa Sanpaolo Bank Albania siguron vazhdimësinë e shërbimeve për klientët e saj përmes kanaleve alternative: shërbimin bankar dixhital, (Digital Banking/ Internet Banking) karta debiti dhe kartë krediti me zero komision për blerje në çdo POS në Shqipëri dhe shërbime bankomatesh (ATM) në 77 pika në Shqipëri.
“Ne dëshirojmë të falënderojmë të gjithë kolegët që vazhdojnë të sigurojnë shërbimin ndaj klientëve tanë në menyrë të personalizuar dhe me transparencë të plotë, duke konfirmuar dhe njëherë afërsinë e Bankës me familjet dhe bizneset në çdo kohë”, u shprehën ata.
Lexo: Rama: Pagat e punonjësve privatë në karantinë do t’i mbulojë shteti
Për më shumë informacione rreth masave parandaluese, vizitoni faqen në internet të Intesa Sanpaolo Bank ose telefononi në Qendrën e Kontaktit në numrat:
08006000; +355 4 2276000; +355 692080903.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
