Kujdes këmbësorë! Masa të reja shtrënguese janë marrë në këtë kohë pandemie


Kryeministri i vendit Edi Rama, në një postim në Facebook, ka lajmëruar disa masa të reja shtrënguese. Në këtë kohë pandemie janë marrë shumë masa shtrënguese, por këto merren për të mirën e të gjithë qytetarëve.

Lexo: Masat për parandalimin e Koronavirusit, MIE: Ndalohen fluturimet për në Britaninë e Madhe

“Nuk ka rrugë tjetër për ta fituar këtë luftë, ku askush përveç atyre që shërbejnë në strukturat kritike të shtetit dhe atyre që punonjnë në hallkat themelore të zinxhirit ekonomik të vendit, nuk duhet të dalë nga shtëpia përveçse për nevojat bazë të furnizimit me ushqim apo ilaçe”, theksoi kryeministri i vendit.

Disa nga masat janë:

  1. Duke nisur nga sot, çdo ditë në vijim pas orës 18:00 do të ndalohet edhe lëvizja me këmbë në të gjithë territorin e Republikës së Shqipërisë.
  2. Nga nesër me urdhër të Ministres së Shëndetësisë do të hyjnë në fuqi, gjoba edhe për këmbësorët dhe për ata që ulen në parqe apo mjedise të tjera të hapura. Shëtitjet nuk janë domosdoshmëri, jetike në këtë kohë lufte dhe uljet nëpër parqe janë të palejueshme!

Rama tha se: “Këtë luftë do ta fitojmë vetëm nëse i bëjmë me vullnet të hekurt të gjitha ato që nuk duam!”

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale