Lexoni: 11 llojet e prindërve që mësuesit nuk “i durojnë” dot
BusinessMag në këtë artikull ju rikujton pasojat serioze që përdorimi i tepërt i smartfonëve mund të shkaktojë për fëmijët dhe zhvillimin e tyre.
- Fëmijët mund të kenë probleme me zhvillimin social
Mungesa e vëmendjes së prindërve jo vetëm që i bën fëmijët të mos marrin iniciativa për asgjë dhe të jenë në humor të keq, por në të vërtetë mund të dëmtojë zhvillimin e trurit të tyre. Studiuesit nga Universiteti i Kalifornisë zbuluan se kujdesi jo i mirë i nënës mund të ketë një ndikim negativ në zhvillimin e një fëmije dhe të jetë një arsye për çrregullime emocionale.
Edhe gjërat e vogla si të shkruarit e një mesazhi mund të kenë një ndikim negativ në planin afatgjatë. Fëmijët kanë nevojë për një mjedis të qëndrueshëm dhe të parashikueshëm për të siguruar zhvillimin e trurit të tyre. Dhe mungesa e kujdesit nga nëna mund të rrisë rreziqet e një zhvillimi të mirë dhe të shkaktojë probleme psikologjike si depresioni, sjellja e rrezikshme dhe abuzimi me substancat e dëmshme.
- Fëmijët acarohen dhe sillen keq
Psikologët thonë se prindërit duhet të vendosin kufij në përdorimin e smartfonëve jo vetëm për fëmijët e tyre, por edhe për veten e tyre. Ata njoftuan se fëmijët ndihen “të trishtuar, të acaruar, të zemëruar dhe të vetmuar” kur prindërit e tyre zgjedhin telefonat mbi ta. Disa fëmijë mund të fillojnë të veprojnë keq dhe të tregojnë shenja agresioni, si dëmtimi i telefonave të prindërve të tyre për të marrë më në fund vëmendjen e dëshiruar.
Mungesa e vëmendjes i bën fëmijët të ndihen të lënë jashtë dhe jo mjaftueshëm të mirë për t’u dashur. Kjo ndikon në vetëvlerësimin e tyre dhe shkakton probleme të sjelljes, duke u shkaktuar atyre stres të panevojshëm.
Lexoni: Fëmijët në kohën e teknologjisë, çfarë duhet të kenë parasysh prindërit
- Fëmijët nuk i shohin prindërit e tyre si modele të mira
Për shumë njerëz, të kalojnë qoftë edhe një minutë pa kontrolluar telefonat e tyre është torturë. Studiuesit vëzhguan familjet në fast-food dhe zbuluan se rreth 70% e tyre përdornin telefonat gjatë ngrënies. Disa anëtarë të familjes madje nxorrën telefonat e tyre menjëherë sapo u ulën në tavolinë. Në këtë mënyrë, prindërit privojnë fëmijët e tyre nga mundësia që të përfshihen në ndërveprim ballë për ballë dhe të mësojnë se si të sillen.
Fëmijët imitojnë sjelljen e prindërve të tyre dhe fitojnë aftësi sociale përmes komunikimit me ta. Fëmijët mësojnë se si të bisedojnë, të shprehin dashuri dhe të tregojnë interes për njerëzit e tjerë. Nëse prindërit e tyre nuk shërbejnë si shembull, fëmijët e tyre humbasin këto aftësi të rëndësishme dhe mund të kenë probleme me ndërtimin e një lidhje emocionale me njerëzit më vonë në jetë.
- Fëmijët lëndohen sepse duhet të garojnë për vëmendjen e prindërve të tyre
Megjithëse prindërit i duan dhe vlerësojnë fëmijët e tyre pa marrë parasysh çdo gjë, përdorimi i tepërt i smartfonëve bën që fëmijët të ndihen sikur nuk janë aq të rëndësishëm dhe i bën ata të acarohen, sepse duhet të garojnë për vëmendjen e prindërve të tyre. Fëmijët thonë se “kontrollimi i telefonave gjatë një bisede” është një nga zakonet më të këqija të prindërve.
Fëmijët kanë nevojë për vëmendje që të ndihen të sigurtë dhe me vetëbesim pasi kontribuojnë në zhvillimin e tyre emocional dhe ua lehtëson atyre ndërveprimin me njerëzit e tjerë. Kur fëmijët mendojnë se prindërit e tyre i duan dhe i vlerësojnë, ata e kuptojnë vetëvlerësimin e tyre dhe e dinë se meritojnë vetëm më të mirën. Ata e dinë që tashmë janë mjaftueshëm të mirë dhe nuk kanë asgjë për të provuar.
- Fëmijët bëhen më pasivë dhe të veçuar
Lidhja emocionale mes prindërve dhe fëmijëve të tyre është e fortë, por e cënueshme. Për ta vërtetuar këtë, studiuesit vlerësuan sjelljen e foshnjëve të moshës 7 deri në 24 muaj në një situatë kur nënat e tyre pushonin së luajturi me to dhe e kthyen vëmendjen në telefonat e tyre. Përgjigja e tyre emocionale ishte mjaft befasuese.
Doli që fëmijët shfaqën shenja shqetësimi dhe nuk ishin të interesuar të hulumtonin mjedisin rreth tyre kur nëna po përdorte telefonin e saj. Dhe u shfaqën këto pasoja negative: sa më gjatë nëna përdorte telefonin, aq më i shkëputur dhe i interesuar bëhej fëmija. Edhe kur nëna e tyre ishte e gatshme të luante përsëri, ata nuk përfshiheshin në komunikim aq sa më parë.
Lexoni: 6 mënyra se si prindërit shkatërrojnë suksesin e fëmijës së tyre
Fëmijët dëshirojnë dashuri dhe vëmendje dhe është detyrë e prindërve që t’ua dhurojë ato. Nuk përbën problem t’i përgjigjeni një telefonate urgjente, por në shumicën e rasteve, është më mirë ta vendosni telefonin tuaj diku dhe të kaloni një kohë cilësore me fëmijën tuaj. Jo vetëm që do t’ju sjellë gëzim të dyve, por kontribuon në zhvillimin emocional të fëmijës dhe është një hap tjetër i rëndësishëm për t’i kthyer ata në qenie njerëzore të lumtura dhe të vetë-mjaftueshme.
burimi: BrightSide
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
