Ju pëlqeu apo jo, ‘influencuer’ është profesion i vërtetë në vitin 2019 dhe mund të jetë një biznes fitimprurës e i dobishëm – por sa paguhen këta njerëz në të vërtetë?
A është e vërtetë së të famshmit po fitojnë një milion dollarë për një postim në Instagram?
Ekipi i Hopper, bëri kërkime për çmimin e një postimi të sponzoruar nga përdoruesit e mëdhenj të Instagram-it.
Dhe rezultatet janë nganjëherë tronditëse:
Siç mund ta shihni, emrat më të mëdhenj në Instagram janë duke fituar rreth një milion dollarë për postim.
Për të përcaktuar se sa kërkon secili prej këtyre influencerëve, Hopper fillimisht krijoi një listë të influencerëve të mundshëm, bazuar në “madhësinë, angazhimin dhe ndikimin” e tyre. Ekipi Hopper u mundua pastaj të kontaktojë secilin nga influencerët e listuar për të marrë më shumë informacion rreth shumës që ata kërkojnë për postim:
“I kontaktuam të gjithë përdoruesit duke u kërkuar çmimin për një postim të sponsorizuar. Secili përdorues u kontaktua direkt ose nëpërmjet një agjenti”.
Është e qartë se këta njerëz janë duke fituar shumë para nga ndjekësit e tyre të Instagram-it dhe se të jesh një “influencer” për disa njerëz është një karrierë fitimprurëse me orar të plotë.
Kjo ka kuptim – për shumë marka, bashkëpunimi me influencerët është i dobishëm. Gjithashtu, vëmendja është kthyer edhe tek mikro-influencerët, njerëzit me më pak ndjekës, të cilët nuk kërkojnë aq shumë para për postime. Por si gjithmonë, emrat e mëdhenj mbeten në në radhë të parë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
