Është një ditë e madhe për të ardhmen e lidhjes me wireless.
Telefoni 5G nga Samsung ka dalë në treg. Kjo është hera e parë që një smartphone mund të aksesojë 5G.
Telefoni Galaxy S10 5G me çmim 1300 dollarë është i disponueshëm për klientët e Verizon në Chicago dhe Minneapolis. Kur konsumatorët largohen nga këto zona, telefoni 5G sërish arrin të funksionojë në rrjetin 4G LTE të Verizon.
Lexoni: Si 5G do të bëjë jetën e përditshme më të mirë?
Telefoni do të lançohet në qytete të tjera në Verizon dhe do të punojë me të gjitha kompanitë celulare.
5G është ndërveprimi më i fundit i teknologjisë me wireless dhe pritet të ofrojë transmetim më të mirë të videove dhe përparësi të tjera teknike, si lidhja me makinat pa shofer.
Lexoni: 5 gjëra që duhet të dini për 5G
Rrjetet ende janë shumë të limituara, por ky telefon është një hap i madh para lançimit. Lançimi do të ndihmojë të gjitha kompanitë celulare të testojnë shërbimin e tyre dhe të hedhin themelet për veprime të tjera në të ardhmen me pajisjet 5G.
Ky telefon inteligjent ka një ekran 6.7 inç dhe 6 kamera me lente, ku përfshihet një kamera e dyfishtë në pjesën e përparme me një lente 3D të thellë. Është i disponueshëm në dy variante, 256GB dhe 512GB dhe në ngjyrë të argjendtë e të zezë.
Me publikimin e telefonit të parë 5G, Samsung është një hap para Apple, e cila pritet të debutojë një iPhone 5G deri në fund të vitit 2020. Kalimi nga 4G në 5G pritet të jetë më i përhapur po ashtu në 2020.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
