Inteligjenca artificiale nuk po pyet më për profesionin tënd. Tek e fundit të gjithë jemi të zëvendësueshëm sepse bota ka funksionuar edhe para se të ishim ne.
Dhe këtë ka bërë Kina, duke zëvendësuar folësin “njerëzor” të lajmeve me një robot.
Agjensia shtetërore e lajmeve e Kinës ka zbuluar një prezantues virtual që mban një kostum dhe flet me një zë disi robotik.
Xinhua News pretendon se prezantuesi “mund të lexojë tekstet normalisht si një sprovë profesionale e lajmeve”, ndonëse jo të gjithë mund të bien dakord me këtë.
“Përshëndetje, po ndiqni programin e lajmeve në gjuhën angleze”, thotë prezantuesi në gjuhën angleze në fillim të lajmit të tij të parë.
Sogou, një motor kërkimi kinez, ishte përfshirë në zhvillimin e sistemit.“Unë do të punoj pa u lodhur për t’ju informuar, pasi tekstet do të shtypen në sistemin tim pa ndërprerje”, thotë prezantuesi në një video hyrëse.
“Unë shpresoj t’ju sjell një përvojë të re të edicionit të lajmeve.”
Xinhua thotë se prezantuesit mund të “punojnë” 24 orë në ditë në kanalet e mediave sociale, “duke reduktuar kostot e prodhimit të lajmeve”.
Një sistem inteligjence artificiale (AI) është përdorur për të sintetizuar zërat, lëvizjet dhe shprehjet e prezantuesit. Ato janë të bazuara në ato të prezantuesve të vërtetë të kanalit televiziv.
/BBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
