Ish CEO i Google Eric Schmid ka parashikuar se interneti në dekadën e ardhshme do të ndahet në dy pjesë.
Gjatë një eventi privat në San Francisko, Schmidt tha se ai beson se Kina do veçohet për të krijuar internetin e saj.
“Nëse e shihni Kinën, ajo po ecën me ritme të shpejta. Kompani po nërtohen, shërbime po ndërtohen, dhe pasuria që po krijohet është fenomenale. Interneti Kinez është një përqindje e madhe e GDP-s së Kinës,” tha ai.
Drejtimi i Kinës është fantastik, si në produkte dhe në shërbime. Por ekziston një rrezik që së bashku me këto produkte dhe shërbime vjen dhe një regjime më totalitar nga qeveria, me kontrolle, censurime, etj.
Ai tha gjithashtu se vendet e tjera mund të përfundojnë duke adoptuar një model kinez të internetit. “Shikoni mënyrën se si punon BRI, e cila përfshin 60 vende – është krejtësisht e mundur që këto vende do të fillojnë të marrin infrastrukturën që Kina ka me një humbje të lirisë”.
Iniciativa e Belt and Road është projekti infrastrukturor i Kinës që lidhet me 70 vende të Azisë, Afrikës, Evropës dhe Oqeanisë me hekurudha dhe anije. Google ka aacruar kohët e fundit marrëdhëniet e saj me Kinën lidhur me raportet që CEO i tanishëm Sundar Pichai mbajti dhe bisedimet qeveritare për nisjen e një versioni të censuruar të kërkimit në Google atje.
Raportet nxitën zemërimin si brenda ashtu dhe jashtë, me disa punonjës që jepnin dorëheqjen, protesta dhe grupet e të drejtave të njeriut që i bënin thirrje Pichai që të ndryshojë vendimin.
/BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
