Mike Flewitt, CEO i McLaren që prej 1 korrikut 2013, ka një propozim për të bërë. Fokusi të kalojë te fuqia e motorit, tek pesha sa më e ulët.
Nëse je fans i kuajve fuqi, je duke jetuar në një kohë të përsosur. Në dyqan, për një çmim të ulët, mund të blesh një Dodge me plot 707 kuaj fuqi. Nëse flasim për hypermakinat, fuqia tashmë ka shkuar me 4 shifra.
McLaren është një aktor i rëndësishëm në këtë lojë. P1 psh, prodhon plot 903 kuaj fuqi. Por, kompania e di që kjo garë nuk do të mbarojë ndonjëherë. Mike Flewitt, kërkon që ulja sa më shumë e peshës së makinës të marrë më tepër prioritet.
Pak ditë më parë ai foli në Society of Motor Manufacturers & Traders (SMMT). Materiale më të lehta do të reduktojnë sasinë e energjisë që makina kërkon për të funksionuar siç duhet. McLaren kështu kërkon të bëhet lider në këtë fushë. Ndonëse makinat e tyre përbëjnë një pjesë shumë të vogël të atyre që shohim në rrugë, teknologjia e përdorur në to, mund të ndihmojë kompanitë në të ardhmen.
Fibra e karbonit do të shërbejë si shtylla kurrizore e gjithë kësaj. Kompania ka shfrytëzuar materiale të lehta dhe të forta të paktën që prej vitit 1981. Ky ishte viti kur ata prodhuan makinën e parë për Formula 1 me fibër karboni. McLaren ndërkohë është duke u përgatitur që të hapë një fabrikë vetëm për përgatitjen e materialeve.
E gjithë kjo është shumë e thjeshtë. Nëse makina peshon më pak, kërkon më pak fuqi të përdorur që të vihet në lëvizje. Së fundmi Volkswagen e provoi të gjithë këtë teori. Volkswagen ID R, një makinë elektrike dhe shumë e lehtë (+ aerodinamikë) nën drejtimin e Romain Dumas, vuri rekordin e ri në Pikes Peak International Hill Climb.
Më konkretisht, Mike Flewitt u shpreh:
“Ne kemi një mundësi shumë të mirë në Britani që të jemi të parët në “luftën e peshës” në industrinë automotive. E gjithë kjo, do të na ndihmojë të arrimë objektivat e ambjentit. McLaren ka një histori të gjatë në përdorimin e materialeve të lehta. Ne jemi shumë besnik ndaj kësaj. Ndaj, po hapim një fabrikë të re e quajtur McLaren Composites Technology Center në Yourkshire. Kjo do të çojë në inovacione të reja në makinat tona dhe jo vetëm do të fuqizojë rigjionin, por edhe do të shtojë punësimin dhe do të përmirësojë zinxhirin e furnizimit. Gjithashtu edhe reputacionin e Britanisë së Madhe në inovacion.”
Ndërsa lufta e kuajve fuqi ka shpërthyer, ne shohim në horizont epokën e makinave më pak “obeze”. Makina më lehta, përkthehen në dinamika më tërheqëse për çdo makinë. Gjithashtu, edhe më pak nevojë për konsumim energjie.
Burimi: Motor Authority
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
