Me Windows Phone që rezultoi një dështim dhe Windows 10 Mobile e cila nuk po rritet shpejt, misioni i ri i Microsoft për të dominuar iPhone me aplikacionet e veta vazhdon.
Aplikacioni më i ri i Microsoft është një zëvendësim i tastierës e quajtur Word Flow. Tastiera e lirë, e cila tani është e disponueshme vetëm në anglisht në SHBA, është dizenjuar për ta bërë më të thjeshtë shkrimin e mesazheve me një dorë të vetme.
Word Flow mund të përdoret si një tastierë tipike QWERTY. Në mënyrë alternative, ju mund të shkruani mesazhet duke rrëshqitur mbi gërmat për të formuar shpjet fjalë dhe fjali, një tipar ku pioneri i parë ishte Swype.
Por karakteristika e vecantë e tastierës është modaliteti me “hark,” në momentin që aktivizohet, tastiera sistemohet në formën e një harku (për ata që shkruajnë qoftë me të majtën, qoftë me të djathtën), gjë që e bën më të thjeshtë të shkruhet me një dorë, veçanërisht në iPhone të mëdhenj.
Ashtu si çdo tastierë e mirë telefoni, Word Flow vjen me një algoritëm për të parashikuar fjalën e ardhshme për të shkruar tekste më shpejt. Gjithashtu mund të personalizohet edhe backgroundi i aplikacionit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
