Surprizë: CEO i Apple siç duket nuk është dakord me thirrjen e Donald Trump për të bojkotuar produktet e Apple.
Në një intervistë të gjatë për Time Magazine rreth betejës mes Apple dhe FBI-së CEO Tim Cook u pyet nëse ai beson nëse garuesi presdencial për Partinë Republikane bëri thirrje për bojkot për shkak të një keqkuptimi rreth pozicionit të Apple.
“Unë nuk kam folur me të, kështuqë nuk e di se çfarë mendon ai,” thotë Cook, sipas një transkripti të intervistës publikuar të Martën.
“Mënyra si e shoh unë është se Apple është kompania e madhe amerikane e cila vetëm këtu mund të kishte ndodhur,” vazhdon Cook. “Dhe unë e shoh si përgjegjësinë tonë për t’u ngritur në një rast të tilllë për të qenë në mbështetje të gjithë atyre njerëzve që mendojnë në të njëjtën mënyrë si ne, por nuk kanë mundësi ta bëjnë një gjë të tillë.”
Trump, një përdorues i iPhone dhe ish-aksioner i Apple një herë e një kohë, bëri thirrje për bojkotimin e produkteve të Apple muajin e kaluar pas vendimit të kompanisë për refuzimin e ndërtimit të një mjeti për të hyrë në iPhone 5c që i përkiste njërit prej terroristëve pas sulmit me të shtëna në San Bernardino.
Idea e bojkotit duket se i ka ardhur spontanisht Donald Trump-it gjatë një gare rally.
“Ajo që mendoj unë se duhet të bëni është të bojkotoni Apple deri aq sa ata të japin numrin e sigurisë që u kërkohet,” ka thënë Trump gjatë një evenimenti muajin e kaluar. “Si mendoni? Sapo e mendova një gjë të tillë. Bojkotoni Apple.”
Gjatë fushatës së tij Trump ka kritikuar Apple, Facebook dhe Amazon mes të tjerash. Disa, duke përfshirë edhe Cook, sipas raportimeve kanë mbajtur një pritje private në fillim të muajit me ligjvënësit republikanë ku hipja në pozita e Trump ishte kryefjala e eventit.
Jo të gjithë CEO-t e teknologjisë kanë qenë po aq diplomatikë sa Cook në përgjigjiet e tyre publike ndaj sulmeve të Trump.
Pasi Trump sulmoi Amazon dhe CEO-n e tij Jeff Bezos, moguli i teknologjisë thjesht sugjeroi dërgimin e Trump në hapësirë.
/Mashable/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
