Departamenti amerikan i Drejtësisë tha të Hënën se hetuesit ishin të aftë të përdornin një teknikë të re në një iPhone që ishte përdorur nga qëlluesi i San Bernardino Syed Farook.
Si rezultat, qeveria “nuk kërkon më asistencën e Apple” për t’u futur në telefon, dhe po heq dorë nga përpjekjet e saj për të detyruar Apple që të thyejë enkriptimin e iPhone kundër vullnetit të kompanisë.
Tani për tani, të dyja palët kanë vënë mënjanën një “luftim” masiv mbi interesat konkurruese të sigurisë kombëtare dhe të privatësisë dixhitale, një “luftim” në të cilin Apple mund të jetë dukur sikur është kundër luftimit të terrorizmit.
Por suksesi i befasishëm i FBI-së në shmangien e masave të sigurisë së Apple mund të rrisë shqetësime nëse produktet e Apple janë vërtetë të veshura me përbërje hekuri. Gjithashtu do të ngrejë dyshime edhe rreth “palës së jashtme” që asistoi qeverinë në minutën e fundit dhe kriticizmin mbi dështimin e FBI-së për të hakuar një iPhone vetë.
“Vendimi ynë për të përfunduar çështjen gjyqësore bazohet në të vetmin fakt se, me asistencën kohët e fundit të një pale të tretë, ne jemi tani të aftë të zhbllokojmë atë iPhone pa kompromentuar çfarëdolloj informacioni që përmbahet në të,” ka thënë Prokurorja e Përgjithshme Eileen M. Decker në një deklaratë.
Javën e kauar, më pak se 24 orë para një seance të programuar dëgjimore në gjyq mbi çështjen në fjalë, qeveria tha se mund të kishte gjetur ndonjë mënyrë alternative për të fituar akses mbi telefonin, mënyrë e cila nuk kishte nevojë për asistencën e Apple. Më parë, prokurorët kishin rënë akord se vetëm Apple ishte e aftë të futej në të. Apple ndërkohë pretendonte se as nuk kishte teknologjinë për të bërë një gjë të tillë dhe do t’i duhet të krijonte një version të ri iOS me mbititullin “iOS për qeverinë.”
Detajet e metodës së sapogjetur të qeverisë për aksesimin e telefonit nuk janë të qarta, por pistat sugjerojnë se firma e sigurisë me bazë në Izrael Cellebritecould të ketë qenë “shpëtimtarja” e qeverisë amerikane.
FBI-ja “ia doli të merrte mënyrë të suksesshme të dhënat e rezervuara në iPhone-n e terroristit të San Bernardinos,” ka thënë Melanie Newman, një zëdhënëse e Departamentit të Drejtësisë. Pavarësisht se tha se heturesit “po hetonin aktualisht informacionin në telefon,” ajo nuk bëri me dije nëse në telefon është gjetur ndonjë informacion i vlefshëm. Këtë mund të mos e dimë kurrë.
Apple nuk komentoi herët të Hënën mbi çështjen.
Ndërkohë, Apple po lufton urdhrat e qeverisë për të asistuar në zhbllokimin e ekranit të iPhone lidhur me një çështje droge në Brooklyn, Nju Jork. Nuk është e qartë nëse qeveria mund të përdorë metodën e saj të re edhe në këtë rast.
/Pubikuar nga Mashable
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
