Trajnim: Shërbimi ndaj Klientit & Efektiviteti në Komunikim

Qëllimi i trajnimit

Ky trajnim dëshiron të ndërtojë vetëdije, vetëbesim dhe qasje të shëndetshme që rrisin kënaqësinë e ndërveprimit profesional. Me përkushtimin dhe eksperiencën tonë, ne dëshirojmë që përfituesit e trajnimit të përjetojnë efektin “genuine”. Atë ndjesi që krijohet kur ti me vërtetësi punon për arritjen e objektivave të shëndetshme, me profesionalizëm dhe entuziazëm.

Audienca

1. Individë dhe profesionistë, menaxherë, drejtues dhe staf i shërbimit ndaj klientit.
2. Çdo punonjës që ndërvepron me një klient.
3. Përveç përfaqësuesve të shërbimit ndaj klientit, kjo përfshin edhe pozicione të tjera si profesionistët e terrenit që komunikojnë me klientët etj.

Përmbajtja

Për këtë trajnim aspektet e përmbajtjes do të jenë:

• Përshëndetja ndaj klientit (si me telefon ose drejtëpërdrejtë);
• Të pyeturit për të kuptuar nevojën apo problemin e klientit;
• Dëgjimin, konfirmimin e kuptimit, përgjigjen me vlerë duke përdorur gjuhë pozitive, eliminimin e zhargonit (gjuhës së përditshme);
• Përmbyllja e bisedës telefonike dhe/ose asaj ballë për ballë;
• Trajtimi i çështjes me klientët e zemëruar;
• Rëndësia e gjuhës së trupit dhe e tonit të zërit;
• Si të rrisim komunikimin dhe kuptueshmërinë me klientin;
• Si të mundësojmë që klienti të jetë gjithnjë i vullnetshëm të na vizitojë;
• Si të trajtojmë çështjet me klientët që gjithmonë të ketë një zgjidhje të mirë për ta;
• Situata reale / case studies;
• Komunikimi efektiv me ekipin/kolegët dhe klientin;
• Procesi i komunikimit dhe stilet (pasiv, agresiv, dhe asertiv) të komunikimit;
• Procesi i hiearkisë në komunikim dhe relatim për zgjidhje të situatave;
• Situata simulimi – çfarë të bëhet dhe çfarë të mos bëhet
• Vlerësimi i trajnerit;
• Përmbyllje.

Çfarë përfitoni?

• Efektivitet në marrëdhënien me klientin – do të jeni të kuptueshëm dhe do të kultivoni qasjen e duhur për mbarëvajtje afatgjatë;
• Reputacion profesional dhe vetëbesim në qasjen profesionale, duke u njohur si profesionist/e e shërbimit ndaj klientëve;
• Stafi juaj do të ketë standarte të rritura të shërbimit ndaj klientit, kjo sjell që eksperienca me kompaninë tuaj të jetë e pëlqyeshme dhe e dëshirueshme nga klientela;
• Qartësi të shërbimeve dhe marrëdhënies me klientët dhe kultivim i komunikimit të shëndetshëm që u mundëson klientëve t’ju sygjerojnë shërbime dhe oferta të reja, si dhe të vlerësojnë opinionet dhe rekomandimet tuaja për blerje të mëtejshme tek ju;
• Përmirësimi i eksperiencës së klientit me ju;
• Kënaqësi profesionale me klientët dhe me kolegët, që buron nga profesionalizmi dhe zotërimi i dimensioneve shoqërore për shërbyeshmëri dhe kënaqje të klientit;
• Zotërim i situatave të biznesit që të keni rezultatin pozitiv të dëshiruar për secilën palë;
• Branding i vetes si një profesionist, vlera e të cilit/cilës lartësohet në treg me anë të qasjes së duhur në shërbimin ndaj klientit dhe komunikimit efektiv;
• Ju bëheni personi që shkëlqen dhe që paracakton suksesin afatgjatë e të qëndrueshëm të kompanisë ku ju kontribuoni;

Trajnere është Elda Gjoka. Elda është sipërmarrëse, folëse motivuese dhe praktikuese reale në sipërmarrjen e shitjeve të suksesshme. Ajo ka trajnuar mbi 1700 pjesëmarrës në fusha të ndryshme të industrisë dhe organizatave, në tema të:
1. Komunikimit
2. Shitjeve
3. Marketingut
4. Trajnimit te trajnuesve
5. Menaxhimit te konfliktit
6. Advokacise & Lobimit

A jeni të interesuar për Trajnimin?

Për më shumë informacione dhe për pagesën ju lutem shkarkoni formularin KËTU

Për pyetje, komente apo detaje më të hollësishme mos hezitoni të shkruani në: [email protected] ose të telefononi në: +355 69 61 20 169