Këshilli Mbikëqyrës i Bankës së Shqipërisë ka hapur rrugën për një zhvillim të ri në tregun financiar shqiptar. Në mbledhjen e datës 3 dhjetor 2025, institucioni njoftoi se ka dhënë miratimin paraprak për licencimin e “JET Bank”, një bankë e re që synon të operojë tërësisht në mënyrë digjitale.
Vendimi, i cili shënon Fazën I të procesit të licencimit, i jep “JET Bank” mundësinë të vijojë përgatitjet për të hyrë në treg si institucion financiar i pavarur. Sipas dokumentit zyrtar, banka e re synon të prezantojë një model shërbimi që largohet nga format tradicionale, duke u mbështetur në teknologji të avancuar dhe në një eksperiencë të thjeshtuar, të sigurt dhe të përqendruar maksimalisht te klienti.
Lexo edhe: BE synon bioekonominë për rritje konkurruese, si mund të përfitojë Shqipëria
“JET Bank” pritet të pozicionohet si pionierja e bankingut plotësisht digjital në Shqipëri, një hap i rëndësishëm në transformimin e tregut financiar dhe në nxitjen e inovacionit në sektorin bankar. Modeli i saj operativ parashikon mungesë të degëve fizike dhe ofrim shërbimesh përmes platformave inteligjente digjitale, duke synuar efikasitet më të lartë dhe akses më të gjerë për qytetarët.
Gjatë së njëjtës mbledhje, Këshilli Mbikëqyrës u informua edhe për çështje të tjera që lidhen me veprimtarinë e përditshme funksionale dhe operacionale të Bankës së Shqipërisë.
Ky zhvillim pritet të sjellë dinamika të reja në konkurrencën bankare dhe të nxisë adoptimin e modeleve moderne të shërbimeve financiare në vend.
Kujtojmë se pak kohë më parë Banka e Shqipërisë i dha dritë jeshile edhe hyrjes së Bankës turke Ziraat .Me dhënien e miratimit paraprak për JET Bank dhe Ziraat, vitin e ardhshëm pritet që numri i bankave tregtare në vend të shkoj në 13.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
