Një tjetër mbledhje e gjatë dhe e mërzitshme? Ju zëvendëson AI.
Google po përdor inteligjencën artificiale dhe ka krijuar një opsion që të ndiqni mbledhjet pa qenë prezent. Duet AI ka bashkuar forcat me Google Meet për t’i bërë mbledhjet më pak të lodhshme dhe më produktive.
Falë opsionit “ndiq për mua”, ju mund të lejoni inteligjencën artificiale që të ‘paraqitet’ në mbledhje në emrin tuaj, të përçojë fjalët tuaja dhe t’ju bëjë edhe një përmbledhje të ngjarjes.
Gjithashtu, nëse nuk e keni mendjen gjatë mbledhjes, AI do të mbajë shënime si dhe do t’iu dërgojë një përmbledhje të gjithë pjesëmarrësve që askush mos të humbasë asgjë.
Një tjetër opsion do t’iu vijë në ndihmë të gjithëve atyre që janë gjithnjë me vonesë. “Përmbledhja e deritanishme” do t’iu paraqesë një raport të shpejtë se çfarë ka ndodhur dhe është thënë në mbledhje deri në momentin e mbërritjes së tyre.
Përveç kësaj, Duet AI do të kujdeset për pamjen dhe zërin tuaj duke përmirësuar më së miri ndriçimin dhe zërin.
Për pjesëmarrësit në distancë që telefonojnë në mbledhje, AI do të krijojë tabela dinamike për ta duke përdorur njohjen e fytyrës, në mënyrë që mos të duken larg dhe jashtë fokusit.
Google do të sjellë edhe titrat e përkthyera në 18 gjuhë kështu që Meet mund të dallojë menjëherë se cila gjuhë po flitet dhe të shfaqë përkthimin në kohë reale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
