Ka dalë në treg, në formatin print dhe online numri i ri i revistës Businessmag.al
Në këtë numër 31 sjellim shumë informacione rreth teknologjisë, startupeve dhe sipërmarrjeve. Profile të ndryshme sipërmarrësish, në fusha të ndryshme blernda dhe jashtë vendit, flasin për sfidat e tyre dhe rrugëtimin në sipërmarrje. Ata sjellin shembuj praktikë se si ia kanë dalë, apo edhe si po përshtaten në erën e re të ndryshimeve.
Ndërkohë, teknologjia është bërë tashmë kryefjalë e të gjitha zhvillimeve. Gjatë pandemisë ajo u bë aktorja kryesore e ekonomisë botërore, duke shfaqur rrjedhimisht meritat dhe dobësitë e saj më të mëdha në këtë rol.
Bujqësia merr një vëmendje të veçantë, për mënyrën se si teknologjia e inovacionit ul kostot dhe rrit rendimentin. Ne sjellim përpjekjet e para në universitete, lehtësues dhe sipërmarrje.
Në këtë numër i kemi dedikuar disa shkrime zhvillimit më të madh në fushën e Inteligjencës Artificiale “ChatGPT”. Ajo na e sjell ndërveprimin me informacionin online në një formë më të afërt. Një ndërveprim që shkon tek bisedat. Algoritmet e ChatGPT ju japin sot mundësi të intervistoni, të siguroni informacione të ndryshme, të bëni kërkime më të thelluara nga ato që kemi deri më sot me Google.com.
Lexo: Inteligjenca artificiale, ligjvënësit e BE-së kërkojnë samit për kontrollin e saj
Platforma, pas të cilës ne krenohemi të jetë shqiptarja Mira Murati, në fakt ka ngjallur edhe reagimet e skeptikëve. A duhet të përdoret në shkolla dhe universitete? A është gjithnjë një burim i saktë informacioni? Vetë zhvilluesit e kësaj platforme kanë pohuar se ndërveprimi i saj shkon deri tek informacionet e disponueshme të algoritmit. Madje ka raste kur përgjigjet të mos jenë ato të duhurat dhe për këtë, zhvilluesit po punojnë më tej.
Abonohu dhe bëhu pjesë e komunitetit të sipërmarrjes inovative!
Në këtë numër ne kemi trajtuar sfidat e sistemit bankar, me falimentime që nisën në Silicon Valley dhe kanë prekur edhe Europën, konkretisht Zvicrën.
Ne kemi synuar t’ju sjellim në këtë numër modele të përpjekjeve mes biznesmenëve, trajnerëve, nismave dhe industrive dinamike. Përpjekje drejt zhvillimit, që pavarësisht sfidave, po synojnë të sjellin më të mirën, si një shpresë për mundësi zhvillimi për të gjithë ekonominë e vendit.
Ju ftojmë të abonoheni dhe të Shfletoni Businessmag, në formatin print ose digjital.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
