Mjedisi më i ri në kryeqytet në dispozicion të sipërmarrësve dhe startupeve
Një mjedis biznesi në zemër të kryeqytetit sapo është hapur. Tirana Businessclub, është co-working space më i ri në vend, i cili ofron mjedise moderne të përshtatshme për çdo lloj kërkese.
Mbrëmjen e të Enjtes, sipërmarrës, startupe, digital nomad dhe ekspertë e përfaqësues të organizatave mbështetëse të biznesit, ishin pjesë hapjes së mjediseve të reja.
Tavolina të dedikuar për të punuar si i pavarur, por edhe mjedise të posaçme për sipërmarrës që kanë 3-4 të punësuar. Tirana Businessclub ofron dy zyra të posaçme, sallë mbledhjesh, sallë eventesh (për rreth 20 persona), dy mjediset për mbledhjet online dhe komunikimet me telefon, të cilat mund t’i realizoni në qetësi të plotë, krahas dhjetëra vendeve të punës, nëse ju nevojitet një tavolinë punë.
E ndodhur pranë ish Stacionit të Trenit, ajo është vetëm pak minuta larg qendrës së Tiranës. E aksesueshme lehtësisht dhe me një lidhje direkte me unazën e Tiranës, sipërmarrësit e rinj, nomadët digitalë dhe kompanitë e vogla kanë një mundësi shumë ekonomikë dhe një mjedis produktiv pune.
Në këto mjedise janë tashmë të stacionuara dy prej nxitësve dhe mbështetëseve të rëndësishëm të bizneseve inovative “BusinessMag” dhe “AlbaniaTech”.
Lexo: 5 çelësat për të realizuar ndryshime pozitive në jetën dhe biznesin tuaj
Një nismë e tillë, mundëson më shumë se një co-working spaces. Ajo mundëson interaktivitet më të lartë mes sipërmarrësve, por edhe me dy platformat, të cilat janë dinamike në sjelljen e informacioneve të nevojshme për ekosistemin e startupeve. Design modern dhe ngjyra të ngrohta, të përshtatshme për një mjedis pune miqësor ju presin në Tirana Businessclub, pranë ish-Stacionit të Trenit.
Për një zyrë private, me 4 persona, ju duhet të paguani vetëm 490 euro në muaj, duke përfituar nga të gjitha facilitetet, internet, sallë mbledhjesh, dhe shfrytëzimin e mjediseve të përbashkëta.
Startupet kane një trajtim special me vetën 79 euro/muaj, me një tavolinë të rezervuar për ta, ndërsa një sipërmarrës i vetëm mund të sigurojë qëndrimin e tij mujor për vetëm 139 euro. Të gjithë kanë akses për të shfrytëzuar mjediset e përbashkëta.
Për më shumë ju ftojmë të vizitoni tiranabusinessclub.al dhe të kontaktoni drejtuesit e kompanë ose të bëni një vizitë në mjediset e saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
