Duke marrë parasysh që Microsoft ka prezantuar telefonat e vet që punojnë me sistemin operativ Android, kemi pritur që Gates të përdor pajisje të kompanisë që e themeloi vet dhe prej vitesh mbajti postin e drejtorit ekzekutiv.
Bill Gates prej kohësh ka udhëhequr në listën e njerëzve më të pasur në botë, edhe pse tre vitet e fundit po i shikon në shpinë personat si Elon Musk dhe Jeff Bezos.Sipas listës së Bloomberg, Gates “peshon” rreth 111 miliardë dollarë, duke zënë vendin e pestë në këtë listë, para Warren Buffett.
Me aq shumë para, kur bëhet fjalë për gjëra të shpenzueshme, Gates mund të ketë gjithçka që dëshiron, e gjatë një bisede me përdoruesit e Reddit, njerëzve u interesonte se cilin model të telefonit të mençur e përdor njëri nga njerëzit më të pasur në botë.
Përgjigja e tij ishte logjike, por ai befasoi me zgjedhjen që e kishte bërë sa i përket telefonit që ai përdorë. Gates në vend të telefonave të tij, ka zgjedhur ta mbajë në xhep një Samsung.
Gjatë bisedës me përdoruesit e Reddit, tha se përdor Galaxy Z Fold 3, e javën e kaluar sërish ka njoftuar se planifikon ta ndërrojë modelin por jo edhe markën. Pra synon ta merr një Galaxy Z Fold 4.
businesstoday
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
