Disa uebsajte të qeverisë ukrainase dolën jashtë linje si rezultat i një sulmi masiv kibernetik.
Faqet e internetit të Ministrisë së Punëve të Jashtme të Ukrainës, Kabinetit të Ministrave dhe Parlamenti i vendit, ishin institucionet, faqet e të cilave dolën jashtë funksioni që nga mëngjesi i së Mërkurës. Sulmi preku dhe disa banka.
Një sulm DDoS është kur një haker vërshon rrjetin ose serverin e “viktimës” me trafik në mënyrë që të tjerët të mos jenë në gjendje ta aksesojnë atë.
Burimi i sulmit ende nuk është konfirmuar, por ndërprerjet vijnë pasi Rusia vazhdon të grumbullojë trupa rreth kufijve të Ukrainës. Të martën, presidenti Joe Biden tha se Rusia ka filluar “pushtimin”, pasi presidenti rus Vladimir Putin urdhëroi trupat në dy rajone separatiste pro-ruse në Ukrainën lindore dhe njoftoi sanksione ndaj bankave ruse, borxhit sovran të vendit dhe disa individëve pranë qeverisë ruse.
Një zëdhënës i Shtëpisë së Bardhë tha për NBC News se ata po “monitorojnë nga afër” raportet.
Lexo edhe: Sulmi kibernetik në Ukrainë: Kievi fajëson Rusinë
Ukraina raportoi një sulm javën e kaluar që shkatërroi katër faqet e internetit të qeverisë. Rreth së njëjtës kohë, Policia Kibernetike e Ukrainës tha se shumë banorë kishin marrë mesazhe me tekst duke thënë se ATM-të në vend nuk funksiononin, megjithëse ishte e paqartë nëse ndonjë ATM ishte prekur në të vërtetë, raportoi NBC News.
Shtëpia e Bardhë ua atribuoi sulmin e mëparshëm agjentëve rusë, megjithëse Rusia mohoi përgjegjësinë për sulmin e javës së kaluar në faqet e internetit të qeverisë ukrainase.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
