9 shprehjet që do t’ju fusin brenda mendjes së miliarderit Elon Musk


Elon Musk është një nga inxhinierët dhe sipërmarrësit më të shkëlqyer që ka parë bota. BusinessMag në këtë artikull ju sjell disa nga shprehjet që ju lejojnë të eksploroni botën e brendshme të tij.

Qëndrueshmëria është çelësi

“Kur diçka është shumë e rëndësishme, ti e realizon atë edhe nëse të gjitha gjërat nuk janë në favorin tënd.” – Elon Musk

Lexoni: Elon Musk thotë se udhëheqësit e mëdhenj përqëndrohen në një gjë para gjithçkaje tjetër

E gjitha varet nga mënyra se si përcaktoni prioritetet tuaja në jetë. Nëse ato janë të rëndësishme për ju atëherë asgjë nuk duhet t’ju pengojë në rrugën tuaj për t’i realizuar ato.

Jini ndër personat që i realizojnë gjërat

“Unë mund t’i shikoj gjërat të ndodhin, ose mund të jem ai që i realizon ato.” – Elon Musk

A jeni në mesin e atyre që ulen dhe presin që ndonjë mrekulli të ndodhë apo në mesin e atyre që i bëni vetë mrekullitë të ndodhin?

Gjithmonë provoni diçka të re, Kjo është mënyra se si ju mësoni

“Mos kini frikë nga gjërat e reja.” – Elon Musk

Kurrë mos kini frikë të provoni diçka të re, kështu mësoni gjëra të reja dhe merrni një shans për t’i praktikuar ato. Gjithmonë pranojini sfidat në jetën tuaj, ato do të shënojnë progresin tuaj.

Harrojeni të kaluarën dhe përqendrohuni në të ardhmen

“Jeta është shumë e shkurtër për të mbajtur mëri.” – Elon Musk

Çfarë është bërë është bërë! Nuk ka kohë për t’u kapur në kujtimet e së kaluarës. Ato do të shkatërrojnë të tashmen dhe të ardhmen tuaj gjithashtu. Lërini të shkojnë incidentet e këqija dhe përpiquni për një jetë më të mirë.

Dështimi është një udhëzues drejt suksesit

“Dështimi është një mundësi. Nëse nuk po dështon, do të thotë se nuk je mjaftueshëm inovativ.” – Elon Musk

Lexoni: Sekreti i Elon Musk për të mësuar çdo gjë më shpejt

Dështimi nuk do të thotë se ju nuk punoni në drejtim të qëllimeve tuaja, përkundrazi, ju ofron një mundësi për të provuar diçka të re. Nëse një derë mbyllet një tjetër hapet. Ju vetëm duhet të provoni, provoni dhe provoni përsëri.

Përqafoni ndryshimin

“Disa njerëzve nuk ju pëlqen ndryshimi, por ju duhet të përqafoni ndryshimin nëse alternativa që do të ndodhë është fatkeqësia.” – Elon Musk

Ndryshimi nuk është një gjë e keqe për t’u përshtatur, por mund të të heqë nga rutina monotone dhe të nxisë që të provosh diçka të re. Ndoshta kjo do t’ju çojë drejt përmirësimit në jetë.

Jini ndër personat e jashtëzakonshëm

“Mendoj se është e mundur që njerëzit e zakonshëm të zgjedhin të bëhen të jashtëzakonshëm.” – Elon Musk

Çdokush ka potencial të integruar brenda vetes, duhet vetëm ta vejë në punë atë për qëllimet e tij.

Jini këmbëngulës

“Këmbëngulja është shumë e rëndësishme. Nuk duhet të dorëzoheni vetëm nëse ju detyrojnë të dorëzoheni.” – Elon Musk

Mos hiqni kurrë dorë nga gjërat që dëshironi. Nëse jeni këmbëngulës në lidhje me to, do t’i arrini me patjetër.

Gjithçka është e mundur

“Hapi i parë është që të kuptoni se çdo gjë është e mundur, më pas realizojini ato.” – Elon Musk

Asgjë nuk është e pamundur. Çdo gjë është e mundur, ju duhet vetëm të bëni zgjedhjet e duhura dhe të jeni të vendosur për t’i bërë gjërat të ndodhin.

burimi: bornrealist

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale