8 gjëra produktive që duhet të bëni kur jeni të mërzitur » Business Magazine Albania – Media Dixhitale dedikuar Sipërmarrjes
Përditësuar së fundmi: 21/11/2019

8 gjëra produktive që duhet të bëni kur jeni të mërzitur

Share
nga Anerola Torollari
Nën 21, 2019
Studied at Faculty of Science, Content Editor Biznesi at Business Magazine
lexo me teper >

Shumica e njerëzve, kur janë të mërzitur, thjesht ulen diku dhe nuk dinë se çfarë të bëjnë. Ata shikojnë akrepat e orës dhe koha kalon pa kuptuar.

Po sikur t’ju them se kur ndiheni të mërzitur dhe nuk dini çfarë të bëni gjatë kohës suaj të pushimit, ka shumë gjëra me të cilat mund të merreni për të rritur produktivitetin tuaj?

Lexoni: 5 këshilla për çdo ditë të javës që të jeni sa më produktiv

  • Eleminoni shpërqëndrimet

A ka ndonjë gjë në veçanti që po ju tërheq vëmendjen? Nëse jeni duke kërkuar të bëni diçka produktive zbuloni se çfarë ju mërzit dhe gjeni aktivitetin tuaj magjik.

Për shembull, mediat sociale janë një shpërqëndrim i keq. Dilni nga rrjetet tuaja sociale, në mënyrë që të përqendroheni tek gjërat që në të vërtetë kanë rëndësi.

  • Eleminoni shqetësimet

A jeni i shqetësuar për diçka? A po ju pengon ky shqetësim në produktivitetin tuaj?

Përballuni me problemet që po ju konsumojnë kohën tuaj, ashtu si duhet. Duke hequr të gjitha gjërat që ju stresojnë, do të jeni shumë më produktive.

  • Konsumoni dije

Kur ju jeni të mërzitur, është një kohë e përshtatshme për të mësuar. Një nga gjërat më produktive për të bërë është të mësoni ndonjë gjë nga interneti, të shikoni video në YouTube apo të regjistroheni në ndonjë kurs online.

  • Konsumoni të dhëna

Informacioni nuk është i njëjtë me njohuritë. A ka emra, terma, data, statistika, vende apo diçka të ngjashme që ju nevojitet për të qenë në kokën tuaj? Studimi i të dhënave apo hartave është një nga gjërat më produktive që mund të bëni kur ndiheni të mërzitur.

Lexoni: Si të qëndroni të shëndetshëm dhe produktivë gjatë festave?

  • Konsumoni kulturë

Duke konsumuar kulturë jo vetëm që po pasuroni veten, por po provoni gjithashtu një përvojë të re. Pjesëmarrja në aktivitete që nuk i keni bërë më parë mund të jetë një gjë shumë produktive për t’u bërë kur mërziteni.

  • Punoni me aftësitë tuaja krijuese

Nëse nuk ndiheni sikur doni të bëni diçka lidhur me karrierën, provoni diçka artistike! Aktivitetet krijuese si piktura ose shkrimi krijues mund të jenë gjërat e përkryera produktive për t’u bërë kur mërziteni.

  • Punoni me shëndetin tuaj fizik

Nëse nuk keni shumë energji për të bërë diçka mendore, urojmë që të paktën të keni energji për të marrë pjesë në ndonjë aktivitet fizik.

Disa gjëra produktive për t’u bërë kur jeni të mërzitur janë vrapi, ecja, biçikleta dhe ngritja e peshave. Çdo lloj ushtrimi ka të ngjarë t’ju ndihmojë të kaloni mërzitjen.

  • Punoni me shëndetin tuaj emocional dhe mendor

A ka ndonjë problem personal që po e bën të vështirë për ju të mos interesoheni për asgjë? Nëse po, kuptojeni atë dhe do ta gjeni më lehtë produktivitetin tuaj.

Lexoni: 3 zakone në punë që ju bëjnë më pak produktivë

Gjithashtu shpesh mërzia është në realitet diçka e ngjashme me ankthin ose depresionin. Provoni të bëni ushtrime mendore që ju ndihmojnë të përqëndroheni në përvojat pozitive për të lehtësuar atë që po e vlerësoni si mërzitje.

Disa hapa të thjeshtë drejt përmirësimit të shëndetit tuaj mendor mund t’ju ndihmojnë jo vetëm për produktivitetin, por edhe për lumturinë tuaj në përgjithësi.

burimi: lifehack



Evente

Një hap drejt Suksesit!

Dhjetor 14, 2019
09:00 - 17:00