8% e bizneseve kërkojnë të mbyllen. Sondazhi i BiznesAlbania dhe Dhomës Kombëtare të Zejtarisë   - Business Magazine Albania

8% e bizneseve kërkojnë të mbyllen. Sondazhi i BiznesAlbania dhe Dhomës Kombëtare të Zejtarisë  

BiznesAlbania

Sondazhi i i bërë nga BiznesAlbania dhe Dhoma Kombëtare e Zejtarisë nxjerr në pah dëmet e konsiderueshme të COVID-19 tek bizneset si dhe ndryshimin e mënyrës së funksionimit të tyre.

Ky studim u krye me 278 ndërmarrje në vend, që u përkasin sektorëve: hoteleri/turizëm, ndërtim, tekstile, lëkurë dhe veshje ushqim dhe pije etj. dhe të punësuar me një numër të konsiderueshëm punëtorësh.

Shumica e ndërmarrjeve në anketë janë biznese private dhe të themeluara ndërmjet viteve 1990-2017.

Ja disa nga gjetjet më të rëndësishme të studimit:

–  Nga numri i përgjithshëm i ndërmarrjeve, 31 përqind kanë ndaluar funksionimin për shkak të COVID-19, 38 përqind janë duke funksionuar pjesërisht, 7 përqind janë duke operuar në distancë dhe 24 përqind funksionon plotësisht në rrjet.

–  Pjesa më e lartë e ndërmarrjeve që nuk operojnë janë bizneset e vogla dhe të mesme, 50 përqind, dhe ndërmarrje nga sektorët arsimi, hoteleri turizëm, restorantet.

–  Rreth 56 përqind e ndërmarrjeve kanë larguar ose kanë planifikuar të largojnë më shumë sesa 31 përqind të forcës së tyre të punës. Pjesa më e madhe e ndërmarrjeve të vogla, të mesme në sektorët bujqësi, edukim, hoteleri turizëm, sektori i pasurive të paluajtshme, tekstil dhe lëkurë, etj raportuan se kanë larguar ose planifikuar largimin e punëtorëve.

–  Shqetësimet kryesore të ndërmarrjeve:

–  Shumica e ndërmarrjeve, 65 përqind, deklaruan se fluksi i kufizuar i parave për të mbajtur stafin dhe operacionet e biznesit ishte i papërshtatshëm. Për ndërmarrjet e anketuara, 68 përqind raportuan që klientët janë prekur dhe kërkesa ishte më e ulët se normalja, dhe 36 përqind raportuan që punëtorët mungonin nga puna për shkak të sëmundjes ose urdhrave të qeverisë.

–  Ndërprerja e zinxhirit të furnizimit. 28 përqindja e ndërmarrjeve raportuan që furnizuesit nuk ishin në gjendje të siguronin inputet; 35 përqind thanë që partnerët e tyre të biznesit ishin ndikuar ndjeshëm nga COVID-19.

Lexo: Flet Ardian Lekaj, kryetar i Dhomës së Biznesit të Diasporës. Sipërmarrjet e vogla duan orientim në përshtatje

–  Për sa i përket ndikimit financiar të COVID-19 në të ardhura ose shitje, 55 përqind e ndërmarrjeve raportuan ndikim të lartë dhe 21 përqind raportuan ndikim të mesëm. Ndikimi financiar ishte veçanërisht i lartë në biznesin e vogël dhe në sektorët rafineri dhe minierë, aktiviteti i pasurive të paluajtshme, restorantet.

Sipërmarrjet u pyetën nëse ishin pjesërisht apo plotësisht të siguruar para krizës COVID-19. Vetëm 35 përqind e ndërmarrjeve të anketuara kishin një policë sigurimi. Vetëm 50 përqind e ndërmarrjeve të anketuara kishin një plan të vazhdimësisë së biznesit në vend. Kjo është shqetësuese dhe mund të vonojë ndjeshëm rikuperimin ose madje edhe qëndrueshmërinë për shumë ndërmarrje.

Sondazhi zbuloi se, 27 përqind e pronarëve të biznesit vlerësuan se do të duheshin 31 deri 91 ditë për të rikthyer plotësisht operacionet dhe 8 përqind e pronarëve po mendonin të mbyllnin ose përkohësisht ose përgjithmonë biznesin. Ndikimi në ekonominë e përgjithshme mund të jetë i rëndësishëm nëse nuk merren masa në kohë për vazhdimësinë e biznesit.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0