62% e shqiptarëve nuk munden të kursejnë - Business Magazine Albania

62% e shqiptarëve nuk munden të kursejnë

Më shumë se gjysma e shqiptarëve nuk arrijnë dot të kursejnë para. Janë këto gjetjet e një vrojtimi të kryer nga Banka e Shqipërisë, sipas të cilit, rreth 62% e familjeve e kanë të pamundur të heqin para mënjanë, për shkak të të ardhurave të pakta që përfitojnë.

Ndërsa pjesa tjetër 38% rezulton se kanë mundësi të kursejnë nga të ardhurat e tyre. Më kursimtarë duket se janë familjet me 3 anëtarë, ndërsa më pak të prirur për të kursyer janë ato me një anëtar.

Por, për çfarë kursejnë më shumë shqiptarët?

Referuar vrojtimit, mbi gjysma e tyre që arrijnë të kursejnë, e bëjnë këtë për të mundësuar sidomos shkollimin e fëmijëve si dhe për kursimet e pleqërisë.

Lexo edhe: Ja cilët janë sektorët e ekonomisë shqiptare që preken direkt nga konflikti Rusi-Ukrainë

Të tjerët kujdesen të shpenzojnë më pak e të kursejnë më shumë deklarojnë se e bëjnë këtë për blerjen e një shtëpie apo makinë, për pushime apo për detyrime të tjera si shlyerja e borxheve.

Burimi kryesor i të ardhurave për pjesën më të madhe të familjeve shqiptare që i përdorin për konsum, por edhe për të kursyer, janë ato nga puna, ndjekur nga dërgesat e emigrantëve që kanë një peshë të konsiderueshme dhe shërbejnë si një ndihmë e madhe për shumë shqiptarë që kanë jashtë të afërmit e tyre.

Shqiptarët, pjesën më të madhe të shpenzimeve të tyre e çojnë për blerjen e ushqimeve, që sipas INSTAT zë rreth 42% të totalit të buxheteve familjare. Në gjetjet e saj, Banka Qendrore vlerëson se një familje shqiptare shpenzon mesatarisht 35.3 mijë lekë në muaj për ushqime dhe për shërbime, që lidhen me energjinë, ujin, gazin apo pagesat e telefonisë dhe internetit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0