6 mësime që ky themelues mori nga një fshat Indian, nga të cilat mund të mësoni dhe ju - Business Magazine Albania

6 mësime që ky themelues mori nga një fshat Indian, nga të cilat mund të mësoni dhe ju


Blaze Arizanov Kaspian folës në AllWebMK 2018, një shkrimtar dhe bashkëthemelues i startup-it indian StayUncle, me origjinë nga Maqedonia, para 7 vjetësh ka shkuar në Indi dhe që atëherë e ndan qëndrimin mes Maqedonisë dhe Indisë.

Lexoni: 5 mësime lidershipi nga kapitenët e Kupës së Botës

Dikur ai vizitoi një fshat të vogël pranë Varanasit në Uttar Pradeshin Lindor për të kaluar disa kohë me familjen e bashkë-themeluesit dhe për të kuptuar mënyrën e jetesës indiane në brendësi. Ishte një udhëtim që ka ndryshuar kuptimin e tij për Indinë në shumë mënyra. BusinessMag në këtë artikull ju sjell se çfarë mësimesh ka përjetuar dhe mësuar Blaze, nga të cilat mund të nxirrni edhe ju një mesazh për veten tuaj.

  1. Familja e madhe indiane (dhe jo vetëm) nuk është zhdukur

Pashë 15 vetë që jetonin së bashku në të njëjtën shtëpi me dashuri, kujdes dhe mirëkuptim, një lidhje që nuk e kam parë në Indinë urbane.

  1. Kujdesi për të moshuarit

Kur më të moshuarit e familjes sëmureshin, nuset, fëmijët madje edhe gjyshet e moshuara konkurronin me njëri-tjetrin për t’u kujdesur: kush mund t’i shërbejë pjatën e ushqimit, cili do të masazhojë këmbët dhe kush do të sjellë një gotë ujë.

  1. Mikpritja e pakrahasueshme

Ata praktikisht ‘luftonin’ me njëri-tjetrin në përpjekje për të më shërbyer mua me ushqimet më të shijshme që kam shijuar ndonjëherë në jetën time.

  1. Pranimi i tjetrit dhe vullneti për të mësuar

Më kërkuan të zhvilloj një seancë joge për anëtarët e familjes. Gjyshja, tre nuset, një nga bashkëshortët e tyre, dy adoleshentë dhe madje një fëmijë, morën pjesë në seancë. Ishte një përvojë e pabesueshme për mua. Kurrë nuk kam parë anëtarë nga tre breza të gatshëm për të mësuar në të njëjtën kohë. Shtëpia gumëzhinte nga zhurmat dhe nga të qeshurat.

Lexoni: 4 mësime për të arritur qëllimet tuaja

  1. Metoda antike të shëndetit dhe higjienës

Deri disa dekada më parë njerëzit në Indinë rurale përdornin kripën dhe menten për të ruajtur higjienën orale. Colgate arriti dhe ndryshoi zakonet e tyre. Dhe gjeni çfarë, tani edhe Colgate përdor kripën në pastën e dhëmbëve.

  1. Çdo gjë në emër të zotit

Unë u tundova për të provuar besimin e indianëve në zotat e tyre. Një ditë u përpoqa t’i shisja një shkop menteje një fshatari për 10 rupi. Ai qeshi me mua dhe u largua pa interes. Për fshatin tjetër ndryshova strategjinë time, “Ky është një shkop i veçantë, të cilin ma ka dhënë një prift Brahmin nga tempulli i Kashi Vishwanath në Varanasi. Shkopi është i bekuar me magjepsje dhe do të sjellë mirëqenie për atë që do ta blejë.” Fshatari u mendua për disa sekonda dhe më dha 10 rupi.

burimi: openroadreview

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0