6 gjërat, që liderat e mëdhenj nuk mund t’i injorojnë


“Kam shpenzuar shumë kohë duke shkruar dhe folur për aspekte të ndryshme të cilësive të lidershipit në çdo mjedis, që mund të çojë një skuadër me një performancë të lartë në sukses. Por në fund të ditës, udhëheqësit ose i marrin gjërat të mirëqena, ose nuk i bëjnë fare. Ata zhvillojnë një ekip fitues ose një ekip, që i bie shkurt.”

Unë kam pasur sukses dhe kam dështuar shumë herë si udhëheqës. Në ushtri. Si një sipërmarrës. Si bashkëshort dhe baba. Kur unë reflektoj mbi atë që ka funksionuar dhe çfarë nuk ka funksionuar, unë mendoj për 6 parimet që kanë çuar në rezultate pozitive. Ndonjëherë jo sukses monumental, por të paktën jo dështim absolut.

Nëse ju jeni duke udhëhequr një ekip në ushtri, botën e korporatave, si një sipërmarrës, ose në vetë familjen tuaj, udhëheqësit e mëdhenj, pra ju duhet të …

Jini të apasionuar. Besoni në mision me gjithë zemrën tuaj. Nëse ju nuk e bëni, ekipi do e kuptojë atë. Frymëzoni të tjerët të mendojnë lart, të prishin gjendjen ekzistuese dhe të marrin iniciativën. Kjo është diçka me të cilën unë kam luftuar gjithmonë. Çfarë do të thotë të frymëzosh të tjerët? Si e dimë ne nëse kemi realizuar këtë qëllim si udhëheqës? Kjo vjen për shkak të dy gjërave: pasioni dhe të udhëheqësh me shembull.

Kuptoni limitet tuaja. Asnjë lider nuk mund të bëjë gjithçka ose të zgjidhë çdo problem. Si udhëheqës, ne duhet të përqëndrohemi në forcat tona dhe të transferojmë dobësitë tona në anëtarët e tjerë të besuar të ekipit. Të gjitha ekipet me performancë të lartë janë të përbërë nga anëtarë ekipi me grupe të ndryshme aftësie dhe prejardhje. Ata ndajnë përgjegjësinë për të fituar.

Përqafoni atë që nuk e dini. Ju nuk do të jeni ekspert në të gjitha gjërat. Ju kurrë nuk do të keni të gjitha përgjigjet. Zhvilloni një kulturë të të nxënit që përfshin ndryshimin dhe shkëmbimin e informacionit.

Gjeni qëllimin prapa çdo gjëje që bëni. Pa qëllim ju nuk mund të frymëzoni një ekip për t’u kapur pas misionit dhe vizionit. Pse ekziston ekipi? Cili është qëllimi i modelit tuaj të udhëheqjes? Kur ekipi e kupton “pse”, ata me shumë gjasa do të ndihen të lidhur dhe do të marrin iniciativën.

Të dini se realizimi nuk mund të ndodhë pa ekip. Pa ekip nuk mund të ketë lidership të vërtetë. Udhëheqësit e mëdhenj marrin një pjesë të madhe të fajit kur gjërat shkojnë keq dhe shumë pak nga fitorja kur ekipi fiton. Ata i ofrojnë ekipit informacionin dhe burimet e duhura, heqin pengesat dhe e dinë kur të largohen nga rruga.

Pranoni se rruga për fitimin mund të jetë e ndryshme nga ajo që keni menduar fillimisht. Ndryshimi është i pashmangshëm. Skuadrat fituese e kuptojnë këtë dhe udhëheqësit e tyre i përshtaten adaptimit. Planifikimi është kryesori, por planet ndryshojnë. Udhëheqësit e mëdhenj investojnë kohë dhe burime në përgatitjen e ekipit të tyre dhe zhvillimin e aftësive të nevojshme për të ndërtuar një kulturë të fituar.

 

/Shkruar nga Brent Gleeson për Forbes

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale