6 gjëra që mësova nga Steve Jobs 10 vjet pas vdekjes së tij - Business Magazine Albania

6 gjëra që mësova nga Steve Jobs 10 vjet pas vdekjes së tij

Steve Jobs

Një nga sipërmarrësit më të mëdhenj të brezit tim ishte Steve Jobs. Më kujtohet kur kompjuterët filluan të vinin me ngjyra. Ishte revolucionare dhe e gjitha falë tij.

Steve Jobs revolucionarizoi kompjuterin personal dhe krijoi sisteme premium që shiten me çmime shumë më të larta se konkurrentët e tjerë. Ai gjithashtu krijoi aftësinë për të blerë dhe shitur me lehtësi muzikë dixhitale dhe revolucionarizoi botën me smartfonë inovativë.

Por u desh shumë punë, përkushtim dhe kalimi i disa pengesave serioze për të arritur atje. Steve Jobs nuk ishte një sukses brenda natës. Përmes gjithë kësaj, Jobs kishte vizion, dëshirë dhe aftësi për ta bërë çdo produkt që kompania e tij krijoi vërtet të veçantë.

Kanë kaluar dhjetë vjet që kur humbëm këtë vizionar të madh. Këtu janë mësimet që kam mësuar nga studimi i tij, produktet e tij dhe mënyra e tij e të bërit biznes.

  • Mbani standarde të larta

Steve Jobs është i njohur për vëmendjen e tij obsesive ndaj cilësisë. Edhe në fillimet e kompanisë së tij, ai këmbënguli që kompjuteri Macintosh jo vetëm të ishte i mirë ose mbi mesataren, por të ishte “çmendurisht i shkëlqyeshëm”.

Kur përqëndroheni në të qenit më i miri në klasën tuaj, është e lehtë të dalloheni dhe të ngriheni mbi konkurrencën. Në përvojën time, shumë njerëz janë plotësisht në rregull me prodhimin e çdo gjëje mesatare, kështu që nëse jeni mbi mesataren dhe vazhdimisht të shkëlqyer, i jepni vetes një avantazh konkurrues.

Lexoni: Historia që po frymëzon Italinë/Kush është financieri 33 vjeçar që la punën për të hapur biznesin e luleshtrydheve

  • Bëni një ndryshim

Në vitin 1984 Jobs shpiku pak a shumë atë që tani njihet si “event” marketing kur krijoi një fushatë të madhe publiciteti për kompjuterin Macintosh.

Steve Jobs ishte një mjeshtër në krijimin e zhurmës dhe më pas në përmbushjen e atij premtimi. Nëse keni një produkt ose shërbim revolucionar, ose nëse e bëni atë më mirë se të gjithë të tjerët, duhet të siguroheni që të krijoni një dalje publike rreth asaj që bëni.

  • Vazhdoni përpara pavarësisht pengesave të mëdha

Në vitin 1985 Steve u përjashtua nga kompania që ai themeloi nga bordi i drejtorëve. Për shumë njerëz, kjo do t’i kishte çuar ata në një humnerë.

Por Jobs e përdori si një mundësi për të themeluar shpejt një kompani të re, për të mbledhur fonde bazuar në idetë dhe reputacionin e tij dhe për të fituar një interes kontrollues në Pixar.

Jeta shpesh do t’ju hedhë në situata të papritura dhe të vështira. Por ju duhet të qëndroni të sigurtë në aftësinë tuaj për t’u përballur me çdo sfidë. Nëse mund ta bëni këtë, atëherë ka shumë të ngjarë të keni sukses.

  • Ndonjëherë pengesat bëhen mundësitë tuaja më të mira

Nëse Jobs do të ishte ‘mbytur’ dhe thjesht do të ndalonte së luftuari, atëherë me siguri nuk do të kishte marrë mundësinë për të udhëhequr sërish Apple.

Kaluan plot 12 vjet pasi bordi e shkarkoi atë, ata i kërkuan të kthehej në punë për të udhëhequr kompaninë jashtë rrezikut financiar. Steve Jobs më pas shkoi të rimëkëmbte Apple dhe të ndihmonte për ta bërë atë lider në industri siç është sot.

Nëse vazhdoni të luftoni pas një pengese, shpesh do t’ju paraqiten disa nga mundësitë më të mëdha të jetës suaj. Rezultatet nuk ndodhin gjithmonë me ritmin që i kërkoni, por nëse i mbani sytë hapur për mundësitë e duhura dhe punoni shumë, atëherë ato do të vijnë shpesh tek ju.

  • Besoni në atë që po shisni

Kur Steve Jobs u kthye në Apple, mund të kishte qenë e lehtë për të që të përdorte Sistemin Operativ të Microsoft, por ai besonte fort se të paturit një sistem operativ ishte një nga gjërat që e bënë Apple të veçantë dhe historia e ka dëshmuar se kishte të drejtë.

Në biznesin tuaj, kur keni diçka që ju veçon, mbështetuni në atë gjë dhe mos bëni kompromis. Bëjeni atë më të madhe dhe më dominuese.

  • Krijoni zgjidhje më të mirë nga linjat ekzistuese të produkteve

iPod nuk ishte MP3 player i parë në treg, por ishte më i këndshmi dhe më i lehtë për t’u përdorur.

Steve Jobs ishte i shkëlqyer në marrjen e teknologjisë ekzistuese dhe inxhinierinë e saj për të krijuar përvoja të mahnitshme të klientit. Ndonjëherë vërtet mund të ndërtoni një produkt më të mirë dhe ta përdorni për të pasur sukses.

Jini të vetëdijshëm për atë që po ndodh në treg dhe mos kini frikë të krijoni zgjidhje më të mira nga linjat ekzistuese të produkteve.

Unë kam krijuar një biznes të suksesshëm pjesërisht për shkak të asaj që kam mësuar nga Steve Jobs. Ai gjithmonë do të më frymëzojë të bëj më të mirën time, të sjell inovacion dhe të bëj me pasion çdo gjë.

/entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0