5 strategji që punonjësit tuaj, qoftë nënat apo anëtarët e tjerë nga stafi, të mos japin dorëheqjen - Business Magazine Albania

5 strategji që punonjësit tuaj, qoftë nënat apo anëtarët e tjerë nga stafi, të mos japin dorëheqjen

dorëheqjen

Gjatë pandemisë, pronarët e bizneseve duhej të bëheshin kreativë për të mbajtur punonjësit e tyre më të mirë, veçanërisht nënat, të cilat kishin më shumë gjasa të linin punën për t’u kujdesur për fëmijët dhe anëtarët e sëmurë të familjes. Tani, me një dritë në fund të tunelit, shumë sipërmarrës nuk kanë dëshirë të kthehen në vitin 2019.

Strategjitë e tyre të epokës së pandemisë, të krijuara për të ndihmuar në mbajtjen e prindërve, po i ndihmojnë ata të ruajnë punonjës me vlerë, të rekrutojnë talente dhe shpesh, të punojnë në mënyrë më efikase. Në këtë artikull ju sjellim disa nga strategjitë miqësore për prindërit që sipërmarrësit po përdorin për një kohë të gjatë:

1. Vazhdonipunoni kryesisht nga shtëpia

Nuk ka dyshim se pandemia ka pasur efekte të qëndrueshme për punën në distancë. Ndërsa vetëm 13% e kompanive thonë se po heqin dorë nga zyrat e tyre përgjithmonë, vetëm 17% planifikojnë të kthehen në zyrë me kohë të plotë. Dhe një numër sipërmarrësish thonë se ky lloj fleksibiliteti është pikërisht ajo që u nevojitet prindërve që punojnë.

Lexoni: 7 shenja që punonjësit tuaj po mendojnë të japin dorëheqjen

Gita Bhargava, bashkëthemeluesja e Global Upside, mendonte gjithmonë se mënyra më e mirë për të nxitur punonjësit e rinj ishte që ata të uleshin pranë saj. Megjithatë, kjo nuk është gjithmonë praktike. Kompania e saj ka 500 punonjës në 170 vende, secili me kërkesat e veta komplekse ligjore dhe rregullatore.

“Pandemia më ka hapur sytë”, thotë ajo. “Kam ndryshuar mendjen tërësisht”. Ajo mendonte se ishte e vështirë të punësonte njerëz me përvojën që i duhej; tani, ajo punëson më të aftët, pavarësisht vendndodhjes, dhe trajnon punonjës të rinj për të bërë punën. “Ju mund të punoni kudo në botë,” thotë ajo.

Në Upside, një kompani udhëtimesh me 85 persona, fillimi i pandemisë përkoi me skadimin e qirasë së kompanisë. (Kompania e udhëtimit Upside nuk ka lidhje me kompaninë HR Global Upside.) Drejtori ekzekutiv i saj, Scott Case, i cili ishte gjithashtu CTO e themelues i Priceline.com, vendosi që kompania të kthehej në remote plotësisht, përgjithmonë. Përveç kursimeve të pasurive të paluajtshme, ai donte t’u jepte prindërve të stafit pak siguri në një kohë veçanërisht të pasigurtë. Ata me familje larg mund të afroheshin më shumë për të marrë mbështetje për kujdesin ndaj fëmijëve, pa pasur nevojë të shqetësohen se do të humbasin punën nëse nuk kthehen në zyrë. Një pjesë e vogël e njerëzve, thotë Case, u larguan nga kompania, duke thënë se prisnin të kishin një ndërveprim social në punë. Case thotë se do të mbledhë stafin, ndoshta një herë në 3 muaj, kur të jetë i sigurtë për ta bërë këtë.

Talia Goldstein, themeluesja dhe presidentja e shërbimit të mblesërisë Three Day Rule, drejtonte një kompani plotësisht remote përpara pandemisë. Punonjësit e saj nuk do të kishin qenë kurrë në zyrë gjithsesi, pasi puna e tyre ishte të takonin kandidatët e mundshëm për klientët e tyre.

Tani të njëjtat intervista kryhen përmes videove dhe Goldstein thotë se kompania e saj nuk do të kthehet më kurrë pas. Ekipi i saj kursen kohën e udhëtimit në këtë mënyrë, thotë ajo, por ky nuk është as avantazhi më i madh. Në intervista, mblesërit po pyesin njerëzit për historinë e tyre të takimeve, jetën e tyre familjare dhe tema të tjera personale. Tani, ata po zbulojnë se ato biseda po rrjedhin më lehtë. “Ndoshta njerëzit ishin pak nervozë, sepse në një kafene ka njerëz rreth tyre,” thotë ajo. “Ata janë shumë më të qetë duke shpalosur informacionin në video. Kjo pjesë është shumë më e mirë.”

2. Qëndroni fleksibël me oraret dhe kohën në punë

Për shumë familje, fëmijët në shkollë të cilët janë papritur në shtëpi, 9 me 5 nuk është më koha maksimale produktive për punë. Strongsuit, një kompani me 15 persona, tashmë kishte një ekip shërbimi ndaj klientit që ishte plotësisht remote. Por në pranverën e vitit 2020, ata punonjës filluan të kërkonin ndryshime në orarin e tyre të punës. Kur as plani B nuk funksiononte, punonjësit do të kërkonin një tjetër orar dhe me gjasë, një ndryshim tjetër pas kësaj. Themeluesja Lindsey Michaelides e kuptoi se stafi i saj kishte nevojë për fleksibilitet të plotë, edhe pse klientët e saj ishin mësuar me përgjigje pothuajse të menjëhershme.

Michaelides filloi duke u përpjekur të rivendoste pritshmëritë e klientëve, duke i bërë të ditur se çdo mesazh i pa shënuar “urgjent” mund të ketë një kohë kthimi 24-orëshe. Si një kompani që filloi të mbështesë prindërit, shpjegoi ajo, duhej ta bënte këtë ndryshim për të mbështetur prindërit në stafin e saj. “Klientët ishin të mahnitshëm,” thotë Michaelides. “Ne morëm duartrokitje.” Është një lehtësim edhe për punonjësit. Kjo u jep atyre kontroll të plotë.”

Në disa raste, edhe kontrolli i plotë nuk ishte i mjaftueshëm. Strongsuit ka lejuar punonjësit e saj të reduktojnë numrin e përgjithshëm të orëve që punojnë, nëse është e nevojshme. Stafi i shërbimit ndaj klientit duhej të angazhohej për të paktën 30 orë në javë; tani, disa punojnë vetëm 15 orë në javë.

3. Punoni në mënyrë më të zgjuar në grup dhe komunikimin asinkron

Colugo, një kompani me bazë në Filadelfia me 11 persona që prodhon pajisje për fëmijë, zbuloi gjithashtu se duhej të ofronte orë fleksibël në mënyrë që punonjësit e saj – tetë prej të cilëve kanë fëmijë të vegjël në shtëpi – të mund të përpiqeshin të merren si me prindërimin ashtu edhe me punën. Por kompania gjithashtu kuptoi se duhej të punonte në mënyrë më të zgjuar. Një përgjigje: bashkëpunimi në grup. Nëse një klient kishte nevojë për një rimbursim, një anëtar i ekipit e shihte atë kërkesë në Slack dhe përgjigjej menjëherë. Pyetjet në lidhje me inventarin u trajtuan në mënyrë të ngjashme.

Por bashkëthemeluesja Christy MacGregor kuptoi se kërkesat për inventar dhe rimbursim nuk ishin në fakt urgjente. Pra, pse të mos i trajtoni të gjitha menjëherë? “Shumë nga këto mund të përpunohen në grup në mënyrë më efikase,” thotë ajo. Tani personi që punon në turnin e fundit të ditës do të bëjë të gjithë punën e inventarit me një lëvizje. Rimbursimet trajtohen në mënyrë të ngjashme. “Pandemia na ka detyruar të bëhemi më efikas dhe të gjejmë mënyra më të mira për të punuar”, thotë MacGregor. “Ne patjetër duam ta vazhdojmë këtë.

4. Kufizoni takimet

Punonjësit që kanë nevojë për fleksibilitet maksimal shpesh zbulojnë se takimet janë fatkeqësia e ekzistencës së tyre – ose të paktën e kalendarëve të tyre. Kështu që Michaelides e Strongsuit është në një përpjekje për të hequr qafe sa më shumë takime që mundet. Standup-i ditor i kompanisë tani zhvillohet në Slack. Në vend që t’u kërkohet të gjithëve të telefonojnë në të njëjtën kohë, çdo ditë, një Slackbot i programuar nga një prej zhvilluesve të kompanisë i udhëzon ata përmes një sërë pyetjesh: Si do paraqiteni sot? Cilat janë tre prioritetet tuaja kryesore? Cilat janë nevojat tuaja për kolegët? Për çfarë jeni mirënjohës sot?

Takimet e përbashkëta shkonin nga javore në dyjavore dhe më pas në tremujore. Takimet e ekipit, të cilat dikur zhvilloheshin çdo javë, tani janë çdo 2 javë.

Lexoni: Letra e dorëheqjes së Jack Dorsey në Twitter zbulon një të vërtetë të ashpër rreth lidershipit

5. Mbështesni ditët e shëndetit mendor

Disa themelues thanë se po përforcojnë idenë e ditëve të shëndetit mendor. Edhe me të ashtuquajturat pushime të pakufizuara, thonë ata, punonjësit hezitojnë të marrin pushim. Pra, ata po i caktojnë të gjithëve ditë të shëndetit mendor, një herë në tre muaj. Të gjithë punonjësit pritet t’i marrin ato, gjë që ndihmon në heqjen e një pjese të stigmës që punonjësit mund të ndiejnë nëse perceptohen se janë duke luftuar në punë. Qëllimi i ditës 3 mujore të shëndetit mendor është të ndihmojë në normalizimin e jetës dhe shëndetit të çdokujt.

/inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0