Pse nuk duhet të jeni vonë në takim?

“5 minuta herët” jeni në kohë, “Në Orar” jeni vonë, “Vonë” e papranueshme!


Ka një arsye pse vendosim orare dhe afate për takimet. Ajo mundëson një koordinim të përpjekjeve, minimizon kohën/përpjekjet e çuara dëm dhe ndihmon në përcaktimin e pritshmërive. Imagjinoni se sa punë do të kryheshin sikur çdokush ta merrte me terezi dhe t’i linte gjërat të rridhnin? Pra, do të ishte përcaktimi i “inefiçiencës.”

Çfarë do të thotë të jeni vonë në takim pune?

• Mungesë respekti: Të jesh në orarin e duhur do të thotë të respektosh palën tjetër. Ajo sinjalizon se ju e vlerësoni dhe e çmoni personin me të cilin keni të bëni. Nëse pikë së pari nuk respektoni pjesëmarrësit në takim, pse duhet të bëni mbledhje me ta?!

• Mungesë konsiderate: Pa e patur ju qëllim, të jeni me vonesë demonstron një humbje të përgjithshme të konsideratës për jetët e të tjerëve. Kjo do të thotë se ju thjesht “nuk ju bëhet vonë.”

• I/e paparë: Jo, jo në sensin pozitiv. Kur nuk respektoni oraret dhe afatet, kredibiliteti juaj humbet. Nëse nuk arrini sot t’ia dilni në kohë, si mund t’i tregoni të tjerëve se jeni i denjë për detyra më të vështira?

• Humbje e përfitimeve: të marrim në konsideratë një skenar hipotetik, në të cilin 5 individë duhet të bëjnë një mbledhje në orën 14:00. Ardhja juaj 10 minuta me vonesë sapo çoi dëm 40 minuta nga koha e të tjerëve. Supozojmë se kompania fiton 200$/orë. A do t’i paguani ju ato 133 dollarët e humbur? Me siguri që po dikush tjetër po i paguan.

• Çorganizim: Nëse nuk mbani dot kalendarin tuaj, cilat pjesë të tjera të jetës suaj janë në lëkundje gati për një katastrofë? Të jeni me vonesë është sinjali më i mirë për palën tjetër se ju nuk jeni personi i duhur, me të cilin/cilën ai/ajo duhet të shoqërohet.

• Megalomaniakal: Ndërsa pjesa dërrmuese e njerëzve e kanë kaluar këtë fazë në moshën 8-vjeçare, disa të tjerë besojnë naivisht se janë qendra e universit. Kini parasysh se kjo është quajtur sindroma e Donald Trump. Doni vërtet që të krahasoheni me Donald Trump?

Ndonjëherë emergjencat ndodhin, një ngjarje e paparashikueshme del para nesh. Gjithsesi, edhe kur ndodh mundohuni të “jepni llogari” në mënyrë të detajuar, mos u kurseni të kërkoni ndjesë për vonesën, sigurojeni palën tjetër se e keni marrë shumë seriozisht dhe se nuk do të përsëritet më.

T’i kushtoni vëmendje përpikmërisë, nuk ka të bëjë me paragjykimet apo të stresojmë veten. Në fakt, është pothuajse e kundërta e kësaj. Mendoni sikur çdo njeri në jetën e tij të bënte fiks atë gjë për të cilën ka premtuar? Dhe një fillim i mirë është vetja jonë:

“5 minuta herët” jeni në kohë, “Në Orar” jeni vonë, “Vonë” e papranueshme!

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0