5 faktet dhe statistikat surprizuese të e-commerce që nuk i dinit

5 faktet dhe statistikat surprizuese të e-commerce që nuk i dinit

~6 minuta lexim


a) Eksploroni potencialin e motorrëve të kërkimit

Një analizë e burimeve nga rrjedh trafiku i dyqaneve të e-commercit zbulon se 30.5% e trafikut të përgjithshëm vjen nga kërkimet organike në Google, Yahoo, Bing dhe motorrë të tjerë popullorë kërkimi. Kjo do të thotë se optimizimi i motorrit të kërkimit SEO për dyqanet online ka rëndësi dhe nga ky fakt bën sens që t’i kushtohet vëmëndje SEO-s.

Këto statistika tregojnë se ju duhet një strategji afatgjatë SEO dhe të planifikoni një strategji marketingu që do t’jua shpërblejë punën e bërë për të arritur rezultatet e dëshiruara në motorrët e kërkimit. Për më tepër, faqet tuaja të dyqaneve online duhet të jenë të ndërtuara në mënyrë të tillë që të ndihmojnë optimizimin e sitit në motorrët e kërkimit.

b) Eksploroni rezultatet e Youtube, CPC (Kosto-për-Klikim) dhe telefonit celular për të gjeneruar më shumë trafik

Kostoja-për-klikim (për çdo të ardhur që përfitoni nga një klikim në internet, një pjesë e të ardhurës shkon si shpenzim për “të shpërblyer” punën e motorrëve të kërkimit; kjo është pikërisht ‘cost-per-click’ ose kostoja-për-klikim). Bashkë me Youtube janë dy kanalet kryesorë marketing që janë të përgjegjshëm për rritjen e trafikut në dyqanet e e-commerce. Është një fakt që dihet botërisht tani se pjesa më e madhe e blerësve online përdorin telefonin e tyre për blerjet. Kjo do të thotë që dyqani juaj duhet të optimizohet për transaksione që kryhen nga telefonat ‘smart’.

Sipas një studimi të Scoop.it zbulohet se rreth 70% e blerësve përdorin tabletat dhe 47% e tyre përdorin smartphone. 43% e konsumatorëve të cilët kanë hasur në një eksperiencë negative të një faqe shitjeje online tentojnë të “migrojnë” drejt faqes së një konkurrenti.

c) Fokusohuni më shumë në vizitorët që kthehen sërish

Studimi i kryer nga Marketing Donut tregon se vizitorët e rinj shpenzojnë një mesatare prej 2 minutash dhe 31 sekondash krahasuar me 5 minuta dhe 31 sekonda që shpenzojnë vizitorët e vjetër, pra këta të fundit shpenzojnë rreth 2 herë më shumë kohë se sa ata të rinjtë nëpër dyqanet e e-commercit. Në terma të faqeve të vizituara për vizitë, analizat e Marketing Donut shpjegojnë se ndërsa vizitorët e rinj vizitojnë një mesatare prej 3.88 faqesh për vizitë, vizitorët e vjetër vizitojnë 5.55 faqe për vizitë. Vizitorët që kthehen shpenzojnë dukshëm më shumë se sa ata që hyjnë për herë të parë në një sit e-commerce.

d) Eksploroni më shumë trafikun gjatë ditëve të javës

Sipas Kissmetrics, më pak trafik ka gjatë fundjavavës dhe më shumë gjatë ditëve të javës. Kështu që e-commerce duhet t’i angazhojë më tepër burimet e saj gjatë ditëve të javës për të tërhequr konsumatorë online.

e) Luani sipas rregullave të “Facebook”, “Youtube” dhe “Twitter”

E ndërsa e njohim efektivitetin e mediave, nuk mund të themi se të gjithë rrjetet sociale janë njëlloj efektivë dhe të rëndësishëm për biznesin e e-commerce. Sipas Feedteck.com Facebook, Youtube dhe Twitter janë ndër rrjetet më popullore që shkaktojnë më shumë trafik për dyqanet e e-commerce se sa rrjetet e tjera. Kështu që ia vlen të optimizoni me kujdes faqet e biznesit tuaj online në Facebook, Twitter dhe Youtube me të gjithë elementet e nevojshme për të tërhequr klientët tuaj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Çelësi i suksesit është të fillosh përpara se të jesh gati.”
— Marie Forleo
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0