Nga Eni Muça – Në një periudhë ku termat si AI, automatizim apo personalizim në kohë reale janë kthyer në pjesë të fjalorit të përditshëm të industrisë së marketingut, vjen një moment për të kuptuar se çfarë ndodh realisht në terren. Si përdoren këto mjete në një agjenci? Sa kanë ndikuar në mënyrën e të menduarit strategjik, në ndërtimin e fushatave apo në bashkëpunimin me klientët? Riana Muçobega, me mbi një dekadë përvojë në komunikim dhe aktualisht Account Director në Gogel Publicis, ndan në këtë intervistë për Business Magazine një pasqyrë konkrete dhe profesionale mbi përfshirjen e inteligjencës artificiale në proceset e përditshme të një agjencie që bashkëpunon me disa nga markat më të mëdha në vend.
Nga përdorimi i ChatGPT dhe Midjourney për krijim përmbajtjeje e deri te aplikimi i modeleve të AI për analiza të avancuara dhe optimizim buxheti, Riana flet pa idealizim për përfitimet, sfidat dhe atë që po ndryshon realisht në mënyrën si komunikohet sot me konsumatorin. Ky është një rrëfim që i flet drejt lexuesve profesionistë të fushës, atyre që kërkojnë më shumë se teori dhe që duan të kuptojnë sesi teknologjia po integrohet në praktikë, pa zëvendësuar thelbin e komunikimit njerëzor.
Si e keni përjetuar ju personalisht zhvillimin dhe futjen e inteligjencës artificiale në fushën e marketingut dhe komunikimit në Shqipëri?
Në gjykimin tim, kjo është periudha më e bukur për të jetuar si një person kreativ dhe strateg komunikimi. Me ardhjen e inteligjencës artificiale dhe aplikimet në marketing, të gjithë kemi fituar “fuqi të reja”, më shumë mundësi për të eksperimentuar, për të testuar ide të reja dhe për të tejkaluar barrierat që kemi pasur më herët.
Në Gogel Publicis e ndjemë që në fillim si një mundësi për të rafinuar kreativitetin dhe për të automatizuar detyrat më rutinë, duke na lejuar të përqendrohemi te strategjia. Shkalla me të cilën mund të personalizojmë mesazhet dhe të analizojmë sjelljen e konsumatorëve në kohë reale sot është e pakrahasueshme me mjetet tradicionale.
Kur keni filluar të përdorni për herë të parë mjete të bazuara në AI në punën tuaj të përditshme?
Rreth dy vjet më parë nisëm të përdorim në punën tonë të përditshme ChatGPT, Copy.ai dhe Midjourney. Fillimisht i shfrytëzuam për të gjeneruar draftet e para të copy-ve dhe koncepteve vizuale, dhe më pas i rafinuam manualisht për të ruajtur stilin dhe tonin e zërit që markat me të cilat punojmë kanë.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
