5.6 milionë të huaj në 8-mujor. 2022 “viti i artë” i turizmit - Business Magazine Albania

5.6 milionë të huaj në 8-mujor. 2022 “viti i artë” i turizmit

8-mujori i këtij vitit ka rezultuar mjaft pozitiv për turizmin që duket se ka rekuperuar goditjet e pandemisë. Sipas Institutit të Statistikave, më shumë se 5.6 milionë shtetas të huaj kanë hyrë në vend nga janari deri në fund të gushtit, duke tejkaluar kështu jo vetëm vitin e kaluar, por edhe vitin e cilësuar si më të mirë deri më tani, atë të 2019.

Në raport me vitin 2019, përgjatë këtij 8-mujori kanë hyrë në vend 800 mijë vizitorë më shumë. Ndërsa vetëm në Gusht, në pikun e sezonit turistik vendin e kanë vizituar mbi 1.7 milionë turistë, aq sa ishte totali i 8-mujorit 2020 kur vendet ishin nën masat kufizuese të pandemisë.

Prej korrikut Instat ka ndryshuar mënyrën e raportimit duke mos listuar më vendet nga të cilat vijnë shtetasit e huaj në Shqipëri, por konstaton se përgjatë janar-gushtit numri i vizitorëve nga Spanja është katërfishuar, ndërsa janë rritur me gati dyfish edhe ato nga Greqia krahasuar me të njëjtën periudhë të vitit që lamë pas.

Lexo edhe: Turistët rekord shpenzimesh në Shqipëri 6 mujorin e parë

Megjithatë, referuar edhe raportimeve të mëhershme, peshën kryesore vijon ta mbajë turizmi shqipfolës me vizitorët nga Kosova.

Pjesa më e madhe e turistëve të hyrë në vend kanë ardhur përmes rrugëve tokësore, ndjekur nga udhëtimet përmes ajrit ku nga pikat ajrore numri i tyre është rritur me gati 90% krahasuar me 8-mujorin e vitit të kaluar, edhe si rrjedhojë e lehtësimit të masave anticovid nga shtetet e huaja.

Kjo duket se ka ndikuar ndjeshëm edhe në daljet e shqiptarëve jashtë kufijve pasi shifrat tregojnë për një lëvizje masive me 3.8 milionë shtetas shqiptarë që kanë udhëtuar jashtë vendit nga fillimi i vitit deri në fund të gushti, rreth 1 milionë më shumë dalje se kundrejt një viti më parë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0