40 mijë lekë për çdo person që ka mbetur i papunë, apo është mbyllur aktiviteti - Business Magazine Albania

40 mijë lekë për çdo person që ka mbetur i papunë, apo është mbyllur aktiviteti

~5 minuta lexim


Në paketën e zgjeruar të masave, kryeministri Edi Rama ka bërë të ditur se do të përfitojë 40 mijë lekë, çdo i punësuar që ka mbetur pa punë. Sipas kryeministrit, ndihma financiare e paketës të zgjeruar është me vlerë 70 milionë dollarë dhe përfitojnë 176 mijë persona. Pagesat për ta do nisin të lëvrohen duke nisur nga 20 Prilli.

Kryeminstri spjegoi se: do të përfitojnë një ndihmë prej 40 mijë lekësh çdo  punësuar mes 10 mijë të punësuarve në turizëm. 66 mijë janë përfituesit tek biznesi i madh dhe 100 mijë të punësuar tek biznesi i vogël. Kjo ndihmë do jepet vetëm një here, sipas tij, duke theksuar se çdonjëri do të marrë 40 mijë lekë.

Ai kujtoi se, Paketa e parë ndihmoi në zbutjen e dhimbjeve të atyre që u goditën menjëherë. 123 mijë familje përfituan ndihmën ekonomike të dyfishuar, biznesve të vogla u akordua ndihmë që vazhdon të jepet çdo ditë nga tatimet dhe pensionistëveiu indeksua pensioni.

Lexo: Rama prezanton masat lehtësuese, do të zgjatet afati për të dalë

Ai ka bërë të ditur vendimin për të zgjeruar mbështetjen pasi plot të tjerë janë goditur drejtpërdrejt dhe kërkojnë ndihmë.

“Kjo paketë e zgjeruar do të mbështesë 176 mijë të tjerë individë dhe familje. Të gjithëve do t’u japim mjetin financiar për ta përballuar këtë 40 ditësh deri në fund të muajit maj. Pasi presim që deri në fund të muajit maj kurba të bjerë, duke mundësuar edhe kthimin në punë në kushte strikte. Në datat 20 dhe 25 maj do të jemi gati për paketën e tretë, për t’u ardhur në ndihmë atyre që nuk do të kenë të ardhura nga puna. Pra mbështetja do të jetë deri në fund të muajit maj”, tha Rama

Ai sqaroi gjithashtu se bizneset, të cilave iu refuzua ndihma në paketën e parë do të përfshihen në paketën e dytë të ndihmës.

Lexo: Individët apo sipërmarrjet? Cilët kanë më shumë nevojë për mbështetje

Kategoritë që përfitojnë:

10 mijë të punësuar në turizëm do të marrin 40 mijë lekë

66 mijë punonjës që janë larguar nga biznesi i madh, do të jetë ndihma 2,64 miliard lekë dhe të punësuarit do të marrin direkt 40 mijë lekë

100 mijë punonjës në biznese të vogla që kanë punuar, por me xhiro minimale dhe nuk kanë përfituar nga paketa e parë do të marrin 40 mijë lekë

Instrumenti tjetër është garancia sovrane prej 150 milionë dollarë për turizmin, fason dhe prodhuesit e tjerë, por me ndarje risku mes qeverisë dhe bankave. Në instrumentin e parë të garancisë qeveria do të marrë përsipër koston e interesit te kreditë.

Paketa e zgjeruar përcakton se të gjitha sipërmarrjet, përjashto sistemin bankar, telekomunikacionet pagesat e kësteve të tatim -fitimit mund t’i bëjnë pas 30 shtatorit.

Pagesat e kësteve të tatim-fitimit do të bëhen po ashtu pas 30 shtatorit. Ndërsa për turizmin, fasonët, call center dhe bizneset e vogla me xhiro deri në 14 milionë lekë, pagesat e kësteve do të shtyhet deri pas 31 dhjetorit të këtij viti. Shtyerja e tyre bëhet në mënyrë proporcionale.

Paketa e zgjeruar do të miratohet në 48 orët në vijim, ndërsa shumat përkatëse do të fillojnë të lëvrohen për të gjithë nga data 20 prill.

 

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Suksesi është përbërja e vogël e përpjekjeve të përsëritura çdo ditë.”
— Robert Collier
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0