Në botën e sotme, të orientuar nga digjitalizimi, besimi është kthyer në një mall të çmuar. Blerësit janë më të matur dhe më dyshues. Lajmi i mirë? Ju jeni akoma në kohë për të fituar besnikërinë e tyre. Ja çfarë shoh unë si katër shtyllat e besimit në një markë nga biznesi në biznes dhe disa këshilla praktike për të krijuar marrëdhënie të shëndetshme biznesi me klientët tuaj.
1. Kompetenca
Duhet t’u demonstoni se jeni një partner i aftë dhe i njohur. Kjo do të thotë të ndërtosh një ekip ekspertësh, të mbetesh në vijën e trendeve të industrisë dhe gjithmonë të ofrosh zgjidhje objektive dhe efikase për problemet e klientëve. Qëllimi juaj si biznes është t’u provoni klientëve tuaj se ju jeni opsioni më i mirë për ta.
2. Integriteti
Në përvojën time, klientët B2B (nga biznesi në biznes) janë shumë më të vështirë për t’u mbajtur krahasuar me ata B2K(nga biznesi në klient). Nuk ka vend për blerje impulsive apo transaksione një herëshe, pasi secila palë interesohet për bashkëpunim afatgjatë. Prandaj, integriteti është thelbësor në ndërtimin e partneriteteve të forta. Në praktikë, ruajtja e integritetit do të thotë të jeni të sinqertë, të mbani fjalën dhe t’u qëndroni besnikë parimeve tuaja, madje nëse mund të humbisni para.
Lexo edhe: Sot Kurban Bajrami, uron Business Magazine!
3. Besueshmëria
Klientët tuaj mbështeten tek ju. Përveç mbajtjes së afateve dhe ofertave të mira e të ndryshueshme, ju duhet të keni gjithmonë një plan rezerve për kur gjërat mund të shkojnë keq. Duhet të jeni gati për çdo skenar të mundshëm, çka rrit kredibilitetin.
4. Empatia
Mos e injoroni rëndësinë e empatisë në ndërtimin e besimit. Në kompaninë tonë, gjithmonë themi se suksesi i klientit është suksesi ynë, dhe trajtojmë çdo projekt si tonin. Njerëzit mund ta ndiejnë nëse jeni të angazhuar në suksesin dhe mirëqenien e tyre. Aspekti financiar i një biznesi është i rëndësishëm, por nuk është gjithshka.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
