3500 biznese në mbarë vendin duhet të ndryshojnë në biznese të mëdhenj


Tatimet i kanë bërë thirrje zyrtarisht mbi 3 mijë e 500 bizneseve në gjithë territorin e vendit që të ndryshojnë përgjegjësinë tatimore duke kaluar nga biznes i vogël në biznes të madh.

“Ne u kemi bërë letrat gjithë kësaj kategorie të tatim-paguesve për t’u thënë që ata vetë në mënyrë vullnetare duhet të ndryshojnë përgjegjësinë tatimore sepse të dhënat tatimore flasin për faktin që qarkullimi tatimor i tyre është që duhet të kalojnë në përgjegjësi të re tatimore”, thotë zv.drejtori i Përgjithshëm i Tatimeve, Xhavit Curri.

Ai tregon se një pjesë e këtyre bizneseve, rreth 1 mijë, i janë përgjigjur vullnetarisht thirrjes duke kaluar në biznese të mëdhenj ose me TVSH.

“Ka edhe një kategori tjetër që në fakt rezistojnë akoma dhe nxjerrin argumenta”, sqaron ai.
Për bizneset, të cilat refuzojnë t’i përgjigjen thirrjes, Curri thotë se do të kalojnë në filtrin e administratës.

“Nëse nga verifikimi në terren shkohet në përfundimin që qarkullimi është mbi kufirin e regjistrimit, sigurisht ndryshohet edhe përgjegjësia tatimore, në të kundërt jo”, shprehet ai.

Nga fillimi i aksionit kundër informalitetit, Tatimet thonë se janë mbi 4700 biznese të cilat kanë ndryshuar përgjegjësinë tatimore duke kaluar nga biznes i vogël në biznes me TVSH, ose biznes i madh.

 

/Top-Channel

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale