3 mësime sipërmarrjeje nga Bruce Lee - Business Magazine Albania

3 mësime sipërmarrjeje nga Bruce Lee

Artet marciale dhe ndërtimi i një biznesi kanë më shumë gjëra të përbashkëta sesa mund të mendoni.

Shumë fëmijë në vitet 1970, u rritën duke parë Bruce Lee teksa shfaroste armiqtë në filma aksion si “Enter the Dragon”, “Fist of Fury” dhe “The Big Boss”. Ai kishte një stil të shkëlqyer në mënyrën e ftohtë se si luftonte.

Bruce Lee, një aktor i famshëm, regjisor, artist marcial, mësues dhe (më e rëndësishmja) filozof, ishte një person me një qasje interesante ndaj jetës dhe përsosmërisë.

Kur flitet për qasjen e Lee, i referohemi specifikisht Jeet Kune Do (JKD), artit marcial dhe filozofisë që Lee zhvilloi. Në Kantoneze, Jeet Kune Do do të thotë “mënyra e ndërprerjes së grushtit”, dhe njerëzit flasin për të si “stili” i Lee-së. Por, me të vërtetë, stili i tij ishte të mos kishte aspak stil. Fondacioni Bruce Lee përshkruan parimin kryesor të JKD si: “Të përdorësh asnjë mënyrë si mënyrë, të mos paturit e asnjë kufizimi si kufizim”.

Filozofia e Lee kur zhvilloi JKD ishte e thjeshtë: Përthith atë që është e dobishme, hidhe atë që nuk është dhe shto atë që është unike e jotja. Për të krijuar JKD, ai studioi të gjitha artet marciale ekzistuese dhe zgjodhi atë që mund të përdorte prej tyre. Pastaj, hodhi gjërat që mendonte se nuk funksiononin dhe shtoi lëvizjet e tij unike. Përfundimisht, ai proces i mendimit u bë po aq i rëndësishëm sa një art marcial i përveçëm.

Ky është procesi i mendimit që qëndron pas shumicës, në mos të gjitha bizneseve të suksesshme.

  • Ju nuk keni pse të shpikni një produkt krejtësisht të ri për të pasur sukses në biznes.

Le të marrim si shembull Steve Jobs. Ai nuk shpiku një pajisje digjitale që luan këngë, celular ose edhe kompjuterin e parë. Ai zgjodhi pjesët më të mira të këtyre gjërave ekzistuese, hoqi qafe defektet dhe shtoi pjesët e tij unike. Kjo është ajo që e bëri Apple kaq të mirë.

Por ju nuk duhet të jeni Steve Jobs për të marrë një fletë nga libri i Bruce Lee. 

“Unë e kam përdorur vetë me shumë kompani, duke përfshirë edhe një të cilën e kam themeluar bashkë me File Finder, i cili ndihmon në gjetjen e skedarëve të humbur më shpejt. Ideja më erdhi kur gruaja ime po përpiqej të grumbullonte të dhënat e viteve të tëra për t’i transferuar. Funksionon sipas mënyrës së funksionimit të trurit tonë: Në vend që të kërkoni me fjalë kyçe emrin e skedarit, mund të kërkoni sipas mënyrës se si e kujtoni atë (si koha e vitit kur keni marrë një skedar ose ku keni qenë kur e keni hapur.)

Sigurisht, unë nuk e kam shpikur funksionin e kërkimit, që daton prapa në epokën e gurit kur dikush organizoi për herë të parë shpellën e tij në mënyrë që të mund të gjente një çekiç. Por unë mora më të mirën e “kërkimit”, hodha më të keqen dhe shtova një komponent që është unikisht i imi: sfondi im i psikologjisë dhe kuptimi i trurit të njeriut.”,- tregon sipërmarrësi Brandon C. White.

Lexo: “Digitalk” – Eventi i tekonologjisë dhe sipërmarrjes

  • Përqendrohuni në zhvillimin e pikave tuaja të forta, mos u mundoni të plotësoni dobësitë tuaj.

Të gjithë mund të mësojmë shumë nga filozofia e Lee-së, etika e punës dhe hiper-fokusi për të qenë më i miri në fushën tonë. Lee vazhdimisht përdori pikat e tij të forta në vend që të përqendrohej në pikat e tij të dobëta, sepse mbështetja tek ajo që je i mirë dhe ndërtimi i kompanisë tënde nga ajo bazë është një taktikë e zgjuar për çdo sipërmarrës.

Nëse nuk jeni natyrshëm i mirë në një aspekt të caktuar të biznesit tuaj, punësoni dikë që ta zgjidhë, sa më shpejt që të mundeni! Mos e humbni kohën tuaj të vlefshme duke u përpjekur ta rregulloni vetë.

Lee punoi për t’u bërë një mjeshtër absolut i artit të tij dhe në biznes duhet të jesh njëlloj i përqëndruar në mënyrë që të shndërrosh një ide në një projekt, një projekt në një produkt dhe një produkt në biznes. Duke përdorur përsëri shembullin e Steve Jobs, ai kuptoi se ishte shumë më i mirë si person që merret me shitje dhe ide sesa një inxhinier softuerësh ose kompjuterash. Steve Wozniak ia plotësoi këtë dobësi dhe së bashku 1 + 1 = 3.

Lexo: Përgjigjia me 5 fjalë e Tim Cook ndaj Facebook

“Dobësia ime është që mërzitem shpejt me detaje. Unë i di detajet dhe e di kur nuk janë bërë, por bërja e tyre më besdis. Gjithmonë kërkoj një bashkëthemelues ose person të moshuar që i pëlqen të ekzekutojë dhe të sigurohet që detajet janë në rregull. Pranimi i dobësisë suaj është forca juaj. Mbështetuni në të”,- thotë sipërmarrësi Brandon C. White.

  • Nuk ka kufij për atë që mund të arrini

“Nëse gjithmonë vendosni kufizime për gjithçka që bëni, fizike ose diçka tjetër”,- tha Lee, “kjo do të përhapet në punën tuaj dhe në jetën tuaj. Nuk ka kufij. Ka vetëm pengesa dhe ju nuk duhet të qëndroni atje. Ju duhet të shkoni përtej tyre”.

Shembulli modern i një filozofie të një njeriu të tillë është Elon Musk. Musk ka aftësinë të mos lejojë askënd që të vendosë kufizime te ai. Ai refuzon çdo kufi dhe thjesht pyet: “Pse jo?” Pse një kompani tregtare nuk mund të ndërtojë raketa të mëdha dhe të shkojë në Hënë? Pse automjetet elektrike nuk mund të udhëtojnë distanca të gjata dhe të jenë aq komode sa makinat me gaz? Pse nuk mund ta lidhim mendjen e njeriut me një kompjuter për të pasur produktivitet më shpejt? Pse nuk mund të krijojmë një tunel nën tokë dhe të transportojmë makina më shpejt nga një qytet në tjetrin?

“Një nga pengesat e mëdha që sipërmarrësit duhet të kapërcejnë është të kuptojnë se ata mund të ndërtojnë një kompani të suksesshme, ta shesin atë dhe të kenë jetën që kanë ëndërruar. Unë dhe gruaja ime jetuam në një shtëpi 1400 metra katrorë për një dekadë dhe ndonjëherë jetesa në oqean në një shtëpi me shtatë figura duket si një kufi që ne nuk mund të ishim në gjendje ta kalonim. Por, kam jetuar jetën time si një sipërmarrës duke e besuar këtë: Duhet të besoni se mund të bëni diçka që nuk jeni të sigurt që mund ta bëni”,- thotë sipërmarrësi Brandon C. White.

Lexo: Toyota po ndërton një qytet inteligjent 175 hektarë rrëzë malit Fuji

Nëse nuk e kuptoni menjëherë, mendoni për të, sepse për të qenë të suksesshëm do t’ju duhet t’i mbani të dyja këto mendime në mendjen tuaj në të njëjtën kohë. Përndryshe, dyshimi do t’ju kaplojë dhe nuk do të jeni në gjendje t’i kapërceni kohët e vështira.

ENTREPRENEUR

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0