3 mënyra se si sipërmarrësit mund të jenë mentorët më të mirë


Askush nuk arrin majën e suksesit i vetëm. Si sipërmarrës, ne vazhdimisht jemi duke mësuar në lidhje me biznesin. Shumë CEO të suksesshëm ia atribuojnë suksesin e tyre mentorit që kanë patur në jetë—meshkujve apo femrave, të cilët i kanë udhëzuar, inkurajuar që të përmbushnin vizionet e tyre sipërmarrëse.  Kohët e fundit, bisedova me Carine Strom Clark, ish-presidente dhe CEO e MaritzCX. Carine shpenzon një pjesë të madhe të kohës së saj personale duke udhëzuar të rinjtë dhe biseduam në lidhje me vlerën e mentorimit të fuqisë puntore të së ardhmës.

Mentorimi i Carine po ndikon në forcimin e besimit të të rinjëve të sotëm për t’u ndikuar pozitivisht në të ardhmen. Këtu janë tre gjëra që mund të bëjmë për të mentoruar me sukses gjeneratën e ardhshme të udhëheqësve të biznesit.

  1. Shikoni përtej punës aktuale

Shumica e udhëheqësve të sotëm të biznesit e filluan karrierën e tyre duke bërë një punë të thjeshtë. Ashley Fieglein Johnson, CFO i Wealthfront, ishte një skiator që bënte shfaqje lokael. Neil Vogel, CEO i About.com, shiste rroba në qendrën tregtare. Çdokush duhet të fillojë nga diku. Nëse njerëzit nuk kanë aftësinë për të parë përtej gjendjes së tyre aktuale, është puna jonë si mentorë t’i futim ata në atë potencial.

  1. Ndihmojini ata të “vizitojnë të ardhmen e tyre”

Kanë kaluar ditët kur ju mund të kaloni dhjetë vjet në kolegj duke thurur shporta. Me koston e një arsimi universitar që tejkalon 30 mijë dollarë, të rinjtë duhet të maksimizojnë kohën dhe mundësitë e tyre. Të jesh në gjendje për të nxjerrë në pah një profesionist në profesionin e tyre të zgjedhur më herët në shkollë mund të jetë një ndryshim i madh në një kohë të rëndësishme.

Carine e quan këtë “vizitë në të ardhmen tuaj.” Duke ndihmuar njerëzit “të vizitojnë të ardhmen e tyre” dhe të provojnë një shumllojshmëri të ambjenteve të punës, të rinjtë mund të zbulojnë se kush janë dhe çfarë duan në të vertëtë të bëhen.

  1. Trajtojini ata si njerëzit e suksesshëm që do të bëhen

Kur isha e re, punova për një njeri me emrin Wilford Clyde, i cili përfundoi duke ndërtuar një kompani shumë të suksesshme. Ai ishte një shembull për mua, i cili më mësoi parimet e përjetshme të biznesit që unë ende i praktikoj sot. Kam mësuar të punoj fort, të respektoj të tjerët dhe të jem i përpiktë. Babai im, një historian i cili dha mësim në Universitetin Brigam Jang, më tregoi rëndësinë e të kontribuarit në komunitet. Të dy këta panë potencialin tek unë që më pas ndikoi në mënyrën se si unë e shoh veten dhe më inkurajuan për të përmbushur qëllimet e mia.

Një mentor i vërtetë gjithmonë sheh më shumë në një person sesa ajo që duket. Carine, për shembull, nuk e trajton kurrë dikë që aspiron të bëhet një shkencëtar, i cili aktualisht punon si kamarier, si dikë që thjesht mbush një filxhan kafeje. Në vend të kësaj, ajo e trajton atë si shkencëtarin që ajo shpreson që një ditë ai të bëhet.

“Nëse të gjithë të kenë një person të rritur, i cili shpreh një interes për ata që i inkurajon të ndjekin qëllimet e tyre, mund të ndryshojë tërësisht strukturën e komunitetit tonë”, thotë Carine.

Si sipërmarrës, ne kemi mundësi për të ndarë njohuritë dhe përvojën tonë me të tjerët. Mentorët si Carine – sipërmarrësja e vitit në Utah- 2016 për angazhimin e saj në biznes dhe komunitet – e ilustrojnë ndikimin pozitiv që mund të kenë në fuqinë puntore në të ardhmen.

Duke parë talentin që shtrihet përtej punës së tanishme, duke i ftuar ata që të parashikojnë një zgjedhje të karrierës dhe trajtimin e tyre si sukseset e ardhshëm që ata janë të destinuar të jetë, ju keni pushtetin për të frymëzuar këtë brez të bëhen udhëheqësit e ardhshëm të biznesit.

burimi: Forbes

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale