Prodhimi i energjisë elektrike nga hidrocentralet private sa vjen e rritet në peshë. Sipas të dhënave të Institutit të Statistikave vitin e kaluar u rrit me 5%, duke arritur në 35 % të totalit të prodhimit.
Nga bilanci i energjisë në vitin 2017, energjia elektrike në dispozicion u rrit me gati 5%. Prodhimi neto vendas është 4.525 GWh, nga 7.136 GWh energji të prodhuar në vitin 2016, duke shënuar rënie të prodhimit prej gati 37 %.
Thatësirat sollën ulje tek të gjithë prodhuesit e energjisë në vend, si hidrocentralet publike (-42,7 %) dhe hec-et private e koncensionare (-21,3 %).
Ulja e theksuar e prodhimit të energjisë elektrike, në 2017-ën, ndikoi në rritjen e importeve dhe rënien e eksporteve të energjisë elektrike. Importet bruto (energji në marrje) u rritën mbi 86 %, ndërsa sasia e eksporteve bruto (energji në dhënie) u ul me gati 74 %, krahasuar me vitin 2016.
Sipas INSTAT, hidrocentralet publike realizuan mbi 64% të prodhimit të energjisë elektrike për vitin 2017, nga 71,4 % që realizuan në 2016. Përqindja që zënë hidrocentralet private dhe koncensionare në prodhimin neto vendas të energjisë elektrike është 35,5 %, nga 28,6 % ishte një vit më parë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
