Një fushatë nga skuadra “e kuqe” e Vodafone Turkey e cila adresonte kauzën e dhunës në familje është bërë fituese e Grand prix në kategorinë “2016 Warc Prize for Innovation”, çmim i cili u akordua në një event mbrëmjen e shkuar në Londër.
Me Between Us, kompani telefonike fuqizoi pozitat e brandit të saj si një markë inovative dhe e besueshme duke krijuar një aplikacion mbrojtës për smartphone- the Vodafone Red Alarm- që u jep mundësi grave të telefonojnë për ndihmë në momentin e dhunës pa u vënë re.
Gati një e katërta e femrave në Turqi që kanë një smartphone e kanë shkarkuar aplikacionin, i cili është përdorur më shumë se 100,000 herë.
Kjo fushatë është cilësuar nga juria si e goditur, e fuqishme dhe një inovacion i vërtetë. Ajo ka mbetur e impresionuar nga mënyra se si kompania ka arritur të trajtonte një çështje të ndjeshme sociale, por jo vetëm subjekti emocional i kauzës e përzgjodhi atë si më të mirën. Nga një perspektivë marketingu e pastër fushata ka impresionuar në të gjitha aspektet e strategjisë dhe të ekzekutimit të saj.
Përveç çmimit prej 5,000 $ Grand Prix, asaj iu akorduan 5 Çmime Speciale (Special Awards) secila me një vlerë monetare prej 1,000 $, 5 medalje të arta, 5 të argjendta dhe 2 të bronxi.
Volvo rrëmbeu 2 Çmime Speciale (Special Awards), për kategorinë e Inovacionit dhe atë të Bashkëpunimit në Krijimin e Inovacionit për Lifepaint, një fushatë britanike nga Grey London ku kompania e prodhimit të automobilave në partneritet me një kompani bojërash krijuan një bojë reflektuese për t’i bërë më të sigurtë çiklistët.
Çmimi për Organizatën Jo Fitimprurëse u rrëmbye nga “Project Akshar”, zhvilluar nga FP7/DXB për SmartLife, një organizatë joqeveritare e cila operon në Emiratet e Bashkuara Arabe për dhënien e aksesit në trajnimet për anglisht për punëtorët me vështirësi në gjetjen e një pune në Dubai.
Për listën e plotë të fituesve klikoni këtu: http://www.warc.com/Topics/WarcPrizeInnovation2016.topic
/Warc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
