15 të rinj fillojnë punën praktike në fushën e TIK

15 të rinj fillojnë punën praktike në fushën e TIK


Pas përfundimit të trajnimeve profesionale në Innovation Centre Kosovo (ICK), grupi i parë prej pesëmbëdhjetë të rinjsh kanë filluar punën praktike me pagesë nëpër kompani të ndryshme vendore e ndërkombëtare, gjatë Dhjetorit 2019.

Programi i trajnimit dhe punës praktike me pagesë i cili mbështetet nga GIZ Kosovo dhe Ambasada e Suedisë në Prishtinë, ka për synim aftësimin e të rinjve dhe lidhjen e tyre me tregun e punës në fushën e teknologjisë së informacionit dhe komunikimit. Të rinjtë janë aftësuar në fushat: dizajn grafik, zhvillim i aplikacioneve mobile në iOS dhe Android, programim në Java, HTML/CSS3, Laravel, Python, multimedia dhe SEO (Search Marketing). Qindra kandidatë të rinj pritet të përfitojnë nga ky program edhe gjatë vitit 2020.

Lexo: Lançohet platforma e internetit “Të rinjtë prijnë”

Kandidatët e angazhuar në këtë fazë janë: Nderim Hasani, Adrian Shala, Orgest Blakçori (Solaborate), Lum Xhakalija & Shpend Tahiri (AppBites), Diellza Hoxha & Qendrim Cakaj (Dua AG), Blerta Osmani & Doruntina Morina (Honest Holding), Granit Bytyqi (Pixels Productions), Diellza Rrahmani (Lunatik), Veronë Kadriu (LinkPlus), Margarita Dibrani (Urpays), Shpresa Zeqiri (United Pixels), Valmir Haxhijaha (City Sale) dhe Fiona Idrizi (Hallakate). Nga themelimi i ICK-së më 2012, qendra ka trajnuar 4,327 kandidatë dhe ka ndërmejtësuar punësimin e mbi 1,500 të rinjve në sektorin e TIK.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0