117 raste me koronavirus u identifikuan gjatë 24 orëve të fundit, duke e çuar totalin e të infektuarve në 4880.
Në 24 orët e fundit 6 pacientë kanë humbur jetën. 3 prej tyre pa sëmundje shoqëruese: një 49 vjeçar nga Shkodra, një 54 vjeçar nga Mirdita, një 58 vjeçar nga Tirana dhe 3 të tjerë me sëmundje shoqëruese: një 56 vjeçar, një 68 vjeçar dhe një 76 vjeçare, nga Tirana. Të 6 viktimat ishin të shtruar tek spitali “Shefqet Ndroqi”.
Ministria e Shëndetësisë njoftoi se në të dy spitalet Covid janë të shtruar 114 pacientë, 19 janë në terapi intensive dhe 3 prej tyre janë të intubuar.
Lexoni: Efektet e pandemisë, shitjet e akulloreve janë rritur, por shitjet e deodorantëve kanë rënë
Të infektuarit e rinj janë: 63 raste në Tiranë, 10 në Durrës, 8 në Fier, nga 4 raste në Kukës, Has, nga 3 raste në Krujë, Lushnje, nga 2 raste në Korçë, Elbasan, Kavajë, Tepelenë, Divjakë, dhe nga 1 rast në Shkodër, Kurbin, Lezhë, Vlorë, Mirditë, Mallakastër, Përmet, Sarandë, Dibër, Himarë, Klos, Shijak.
Gjatë 24 orëve të fundit janë shëruar 63 qytetarë, duke e çuar numrin e të shëruarve në 2745, që nga fillimi i epidemisë.
Që prej fillimit të marsit janë testuar rreth 39 mijë persona, prej të cilëve janë:
– 4880 të infektuar,
– 144 viktima;
– 2745 të shëruar,
– 1991 të infektuar aktivë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
