10-të arsye për të investuar në Shqipëri


Sipërmarrësit e huaj duket se gjithnjë e më tepër po e kthejnë fokusin drejt Shqipërisë. Në vitin që sapo lamë pas, Investimet e Huaja Direkte kapën shifrën e 1 miliard euro, duke u rritur me 10% nga viti 2018.

Agjencia për Zhvillimin e Investimeve AIDA, jep 10 arsye se pse duhet të investosh në Shqipëri:

  1. Pozicioni gjeografik
  2. Qasja në treg të lirë
  3. Mjedis miqësor për biznesin
  4. Modeli one stop shop
  5. Mundësi investimi të larmishme
  6. Mbështetje ligjore për investimet e huaja
  7. Sistem tatimor i favorshëm
  8. Fuqi punëtore konkurruese
  9. Infrastrukturë në zhvillim
  10. Të qenurit destinacion turistik global

Investimet e Huaja Direkte në Shqipëri u rritën me 7.3% për nëntë mujorin e vitit 2019, duke arritur shifrën e 810 milionë eurove, gjë e cila konfirmon projeksionet e qeverisë, që viti 2019 të tejkalojë totalin e 1 miliard eurove.

Lexo: Gjysma e investimeve për rindëritmin do të merret borxh. 200 mln dollarë investime

Gjithashtu vetëm për tremujorin e tretë të 2019-ës investimet e huaja regjistruan vlerën e 272.2 milionë eurove, ose 1.3% më të larta krahasuar me 268.6 milionë eurove në tremujorin e tretë të 2018.

Në Shqipëri gjenden tashmë filialet e disa prej kompanive më të rëndësishme, të cilat operojnë në sektorin e telekomunikacionit dhe IT, veshjeve dhe automotivës kryesisht.

Çdo investitor i huaj mbështetet nga Agjencia për Zhvillimin e Investimeve (AIDA) që në hapat e parë të themelimit të investimit në vendin tonë dhe vazhdon t’i vijë në ndihmë në bashkëpunim me institucionet e tjera të linjës.

Disa nga investimet e huaja më të suksesshme në vendin tonë janë: “Fusion BPO”, “Yura Corporation”, “Forschner” “SV Mega”, “Innovaëay”, “COTEX Textile”, “Giobert”, “Delmon”, “PSZ Albania”, etj.

Java News

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale